Тіршілік тынысы Tirshilik-tynysy.kz ақпараттық агенттігі
» » Отбасыңызбен бірге болыңыз

Отбасыңызбен бірге болыңыз

Короновирус  індеті  бүкіл әлемдік пандемия. Қазіргі уақытта әлем жұртты карантин уақытында үйде отыр. Күнделікті жұмысқа барып, ойын-сауық орталықтарында қыдырып, емін-еркін жүрген халықтың  үйде отыруы күйзіліс тудырып отыр. Қазақстан ғана емес, бүкіл әлем дүрбелеңге салынып жатқан кезде, қорқу – қалыпты жағдай. Бірақ «қорыққанға қос көрінеді» дегендей, мұндай кезде үрей екі-үш есеге үдей түседі. Ең бастысы, сақтық пен сыни ой керек. Мемлекет тарапынан айтылып жатқан кеңестерге, қойылған карантинге бағынған жөн. 

Әлеуметтік желілермен, қауесет әңгімелерге  сене бермеген жөн. Бұл адам бойындағы «әлеуметтіәк қорқынышты»үдетеді. Ата-анасының бойындағы қорқыныш баланың бойында  екі есе көп болатындығын естен шығармауымыз керек. Қорқыныш баланың бойында өмір бойы ізін қалдырып кетеді. Сондықтан  қорқынышқа жол бермеуіміз керек.   Айналамызда болып жатқан жағдайлардың өзімізге жағымды жағын, яғни оң тұстарын іздегеніміз жөн. Оптимист  болғаныңыз дұрыс. Карантин жағдайының оң жақтарын бірге іздейік:

1. Карантин бұл –дағдарыс. Яғни барлығы бұрынғысынша болмайды. Жаңа дүниелерді, жаңа идеяларды қалыптастырып, дамытатын кезең.

2. Отбасыңызбен бірге болыңыз. «Отбасы жүйесін» құрыңыз. Бала тәрбиесіндегі, отбасындағы бұрынғы қателіктерді түзетуге үлкен мүмкіндік.

3. Ата-анаңызға, бауырларыңызға, балаларыңызбен жарыңызға қамқорлық  танытыңыз. Мейрімді болыңыз, бірге отырып сырласыңыз,рухани әңгімелер айтыңыз.

4. Балаңыздың өміріне өмірлік азық болып қалатындай жаңа нәрсеге үйретіңіз.
Карантинбізді бір-бірімізді тыңдауға, бір-бірімізді құрметтеуге, бір-бірімізбен қарым-қатынас жасауға үйретеді. Ал ол далада емес, өз үйіңде басталуы керек.


Нұргұл  Омарова,
 Асқар Тоқмағанбетов атындағы  №135 орта мектептің 
педагог-психологы 

12 сәуір 2020 ж. 606 0