Еркектің рөлі маңызды
Көпшілік бала тәрбиесін анаға жүктеп қояды. Ал бұл дұрыс емес. Өйткені бала тәрбиесінде ананың да, әкенің де ролі маңызды. Олардың әрқайсысының өз жауапкершіліктері бар. Әсіресе, ер бала тәрбиесі тікелей әкеге байланысты. Әке – ұлы үшін үлгі тұтар адам, өмірлік ұстаз.Қыз анаға қарап өссе, ұл баланың әкеге қарап өсетіні түсінікті. Сондықтан кейбір әкелердің «Баламды материалдық жағынан қамтамасыз етсем болды, тәрбиесі шешесінің мойнында» деуі – үлкен қателік. Ендеше, әр әке ұлының бойына қандай қасиеттерді дарыта білуі керек?
1. Жауапкершілік
Ер жігіт бойындағы ең асыл қасиет – жауапкершілік. Сондықтан ұл баланы жауапкершілікке тәрбиелеудің маңызы мол. Ал ол тәрбиені анадан гөрі әкесі нақты іспен дәлелдеп, өзі бергені дұрыс. Өйткені сөзінде тұра алмайтын, ауызбен айтқанын мойнымен көтере алмайтын жігіттің ер емес, нағыз ез екені түсінікті.
2. Тазалық
«Жуып, сүрту, жинау мен тазалау – әйел адамның міндеті ғой» дерсіздер бірден. Иә, бірақ кішкентай бала көргенін істейді. Ал тазалықпен тек анасының айналысып, әкесінің қол тигізбегенін көрген бала ол – тек ананың міндеті деп ұғып, өз артын жинауды қояды. Сондықтан әкенің міндеті – әр адам өз бойының тазалығына, айналасының тазалығына өзі жауапты екенін түсіндіру.
Тіс тазалау, беті-қол жуу, киім-кешектің тазалығы, жеке гигиена мен таза жүріп-тұру – мұның барлығының бастауы – тазалық. Киім ауыстыру, оны бүктеп жинау, тағысын тағы – әр баланың кішкентайынан меңгеретін негізгі міндеттері. Ол үшін, әке, өзіңіз үлгі болуыңыз керектігін ұмытпаңыз!
3. Қаржылық біліктілік
Балаларға қаржы жайында «лекция оқып», сабақ беру – ешқашан ерте болмайды. Ұл балалар ақшаның қадірін ерте ұғып, өз шығындарын дұрыс жоспарлауды да мейлінше ерте үйренсе, кейін үлкен өмірге өздігімен қадам басуы да оңай болмақ. Ендеше, ол үшін ерте бастан ұлыңызға әр теңгенің маңдай термен келетінін үйрете беріңіз. Ал уақыт өте үлкен шығындар мен отбасы бюджетін қамшыұстарыңызбен ақылдаса жоспарлауды әдетке айналдырыңыз.
4. Ұрыс-керісті шешу жолдарын үйретіңіз
Ұл балалар ерте жастан-ақ түрлі «оқиғаларға» жиі ұшырап жүреді. Ал кішігірім ұрыс-керістің аяғы жұдырықтасуға ұласып кетпеуі үшін оны шешу жолдарын үйретудің маңызы мол. Ондай жағдайларға тап болғанда шығу жолы қандай? Қай кезде өзін қорғап, жұдырыққа ерік беру керек, ал қай кезде кешірім жасау керек? Оны ер балаға ана емес, әке үйретуі керек.
5. Күйзеліспен күресе білу
