Өнегелі қариясымен мақ­­­­­та­натын Шаған ауы­лын­­да кезекті шара­ның шы­мыл­дығы түрілгелі жат­­­қан болатын. Қолына му­­­­­­­­зы­­­­калық аспаптарын ал­­ған қариялар ауыл­дық­ мәдениет үйіне таң сәріден келіп алған. Бір-­бірімен дидарласып, ауылдың жай-күйін сұра­­­сып, қауқылдасып қал­­ды. Бір кезде ескі таныстарын жолықтырған өз заманының белді тұл­ға­лары, бүгінгі күннің көреген қарттары кезекті бай­­қаудың алғы шартын тал­қылай бастады. Барлығының мақсаты ес­кі­ден келе жатқан есті әуенді қайта жаңғырту. Елбасының «Болашақ­қа бағдар: Рухани жаңғыру» және «Ұлы даланың жеті қыры» бағдарламалық ма­қа­­­ласы аясында Шаған ауыл­­­­дық мәдениет үйінің ұйымдастыруымен «Өнер - өшпес қазына» тақырыбында аудан ардагерлері арасында ұмытылып бара жатқан ескі әндерді орындаудан байқау өткізілді.

Шара барысында кент және ауылдардан келген қатысушылар қазақ хал­қының фольклорлық сарыны қалыптасқан ескі әндерді нақышына келтіріп орындады. Халыққа бұрыннан таныс, естен кетпес әуендер көпшілік көңілі­нен шығып, халықтың оң бағасына ие болды. Бұдан бөлек қатысушылар еркін тақырыптағы әндерді орындап, вокальдық, музыкалық қабілеттерін аша түсті. Кейбірі жеке дауыста ән айтса, екіншісі халық аспаптарының сүйемелдеуімен өз өнерлерін көрсетті. Өмірі өлшеусіз құндылыққа толы қариялардың ән табиғатына енуі жан-жақты әділ қазы тарапынан сараланды. Өз кезегінде ауыл ардагерлері мен қонақтары сөз алып, бүгінгі шараның маңыздылығына атап өтті. Байқау қатысушыларына әділ бағасын берген әділқазылар алқасының құрамында Шаған ауылдық әуез мектебінің директоры Ө.Сарыбаев, аудандық балалар әуез мектебінің мұғалімі, аудандық мәдениет үйінің мәдени-ұйымдастырушысы Б. Сәдуақасов болды. Байқау қорытындысында жеңімпаздар анықталып, арнайы диплом мен бағалы сыйлықтарға ие болды.

Б.ОРДАБЕКОВ