Көрме барысында халқымыздың ғасырлар бойы қалыптасқан өнері мен қолөнер туындылары көпшілік назарына ұсынылып, ұлттық салт-дәстүрді сақтау мен оны кейінгі ұрпаққа аманат ету – баршамыздың ортақ парызымыз екені айтылды.

Сонымен қатар жиын барысында жуырда өткен республикалық жалпыұлттық референдум аясында өңірімізде атқарылған жұмыстар да сөз болды. Сырдария ауданының Құрметті азаматы Ұ.Жаналиева өз сөзінде референдумның Сыр өңірінде, оның ішінде ауданымызда жоғары деңгейде, ұйымшылдықпен өткенін атап өтіп, ел бірлігі мен қоғамдық келісімнің маңыздылығына тоқталды.

Мұндай мазмұнды кездесулер ұлттық рухты жаңғыртып, мәдени құндылықтарды дәріптеуге және қоғамдағы бірлікті нығайтуға өз үлесін қосатыны сөзсіз.