Тіршілік тынысы Tirshilik-tynysy.kz ақпараттық агенттігі
» » » Көпшілік көңілінен шыққан қойылым

Көпшілік көңілінен шыққан қойылым

Мәдениет саласының майталманы Рахия Абдукаримова режиссерлық ететін «Айдарлы халық театры» өз жұмысын 1976 жылы бастаған болатын. Ең алғаш рет Садықбек Адамбековтің бір актілі «Ох, жүрегім» туындысын сахналаған ауыл өнерпаздары содан бері халықтың көзайымына айналып, сахнада өздерінің кәсіби шеберліктерін дәлелдеп келеді. Өткен аптада театр өнерпаздары Оралхан Бөкейдің «Атау кере» шығармасын сахналады.

Айдарлыда ұйымдастырылған іс-ша­ра­ға аудан әкімі Берік Сәрменбаев пен аудандық мәслихат депутаты Ақтөре Ибрагимұлы арнайы қатысты. Ау­дан басшысы бастаған меймандарды ауылдық клубтың алдынан «Сұлу-ай» әжелер ансамблі ауылдың алты ауы­зын айтып қарсы алды. Қазақы киім­дерін әсем дауыстары аша түскен әже­лердің өнерін жоғары бағалаған аудан әкімі ансамбль мүшелеріне шы­ғармашылық сәттілік тіледі. Әрі қа­рай ауылдық клуб директоры Анар Қалдыбаева үйірмелер жұмысымен таныстырды.

Қазіргі уақытта клуб үйінде 6 үйірме жұмыс жасайды. Үйірмелерге барлығы 87 өнерпаз қам­тылған. Олардың барлығы ауылдың талапты, талантты өрендері. Сонымен қатар, 2021 жылдан клуб үйі жанынан «Сұлу-ай» шығармашылық өнер орталығы арқылы 8 үйірме өз есігін айқара ашқан. Соны қоса есеп­тегенде клуб үйіндегі үйретері мол үйірмелерге 100-ге жуық өнерпаз қатысуда. Аудан әкімі әр үйірменің жұмысымен жіті танысып, оқушылармен пі­кірлесіп, олардың өнерін тамашалады. Әсіресе, су­рет­шілер үйірмесіндегі таңғажайып туындылар көп­шілік көңілінен шықты.

Ал, «Айдарлы халық театры» бұған дейін Ы.Шотбаевтың «Құйынбайдың құдалары», М.Шамқаловтың «Қайын ене мен келін», Т.Ахтановтың «Махаббат мұңы», Ш.Құсайыновтың «Рабиға», Д.Исабековтің «Әпке», О.Бодықовтың «Қара­құм» трагедиясы сияқты қомақты дүние­лерді көрермен назарына ұсынған-ды. Ол шығар­маларды көрермен қауым ауыл сахнасымен қатар, аудандық, облыстық деңгейдегі мәдениет меке­мелерінде көрді. Соның нәтижесінде 1988 жылы Қазақ ССР Мәдениет Министрлігі Коллегиясының шешімімен театр үйірмесіне «Халықтық» атақ берілді. Бүгінде халықтық театр түрлі жанрдағы қойылымдарды қойып келеді. Бұл жолы жиналған қауым «Атау кере» спектаклін тамашалады.

Бар ынталарымен және шеберліктерімен сах­наны сәнге бөлеп, қойылымның мәні мен маз­мұнын аша білген ауыл өнерпаздарының еңбегіне көпшілік тәнті болды. Адамзаттық мәселелерді арқау еткен, үл­кенге де, кішіге де ой салатын туындыны кітаптан оқыған бөлек, сахнадан тамашалағанның әсері мүлдем басқаша екен. Шығармада жеңіліс пен жеңіс, түңілу мен үміт, қиянат пен қайырым, аярлық пен адамдық, марғаулық пен махаббат арасындағы тартыс­ты күрес, өткен тарих пен бүгінгі нақтылықтың ажырамас аясындағы ұлт тағдыры мен келешегі таразыға тартылады. Сондай-ақ романның кесек-кесек идеяларының түйіні кульминациялық сәтіне же­тіп, ширақ та шымыр тарқатылады. Шеберлік құдіреті дегеніміздің құпиясы да осы болса керек!

Қойылымнан соң аудан басшысы «Айдарлы халық театры» өнерпаздарына ризашылығымызды білдіріп, шығармашылық сәттіліктер тілейміз. Бұл қой­ылымды барлық ауылдарда сахналаса да артық емес. Көрермен ретінде өзіме кейіпкерлердің кәсіби орындау шеберлігі қатты ұнады. Лайым, ауылдың өнері өрістеп, мәдениетінің мерейі арта берсін» деді.

Айта кету керек, Айдарлы сахнасында сах­на­ланған спектакльдің қоюшы режиссері Рахия Абдукаримова болса, суретшісі, музыкалық көр­­­кем­­деушісі Бақытжан Әлтаев. Ал, рөлдерді Р.Адукаримова, О.Оспан, Н.Кенесары, С.Раушан­беков сомдады.


Гүлжан ЕСЕНБЕК
27 тамыз 2023 ж. 49 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам