Жерлестерді жігерлендірген жүлде

Қоғам өмірінің боямасыз көрінісін жарыққа шығаратын театр жанрлары сан алуан екені даусыз. Бекзат өнер­дің өзіне тән көркемдігі адамға айрықша толғаныс пен әсер сыйлайды. Сахна төрінде ойналатын қойылым қашан да көрерменіне ерекше ой салатыны рас. Бұл ретте, тағылымға толы өнер иелері осы аптада көршілес жатқан Жалағаш ауданында бас қос­ты. Яғни, берекесі тасыған ауданда ҚР мәдениет қайраткері Тынымбай Мәдиевті еске алуға арналған «Өшпес тұлға жолымен» тақырыбында об­лыстық халық театрларының байқауы өткізілді. Оған облыстық мәдениет жә­не спорт басқармасының басшысы Руслан Рүстемов қатысты.

Облыстық байқауға 13 халықтық театр ұжымы қатысуға өтінім берген. Оның ішінде, Сырдария ауданынан 2 ха­лық­тық театр ұжымы бақ сынады. Екі тәу­лікке созылған байқау барысында қа­тысушылар сан түрлі жанрда қойылым көрсетті. Аудандық мәдениет үйі жанынан құрылған халықтық театр өнерпаздары жазушы Сұлтан Раевтың «О, қыздар» драмасын сахналады. Қойылымның ре­жиссері – Әділ Ерғали, суретшісі –Жәнібек Әбіреев екенін айта кетейік. Ал Айдарлы ауылдық мәдениет үйінің жа­­ны­нан ашылған халықтық театр жа­зушы Мұхтар Әуезовтің «Еңлік-Кебек» тра­ге­диясын жиналған жұртшылықтың наза­рына ұсынды. Шығарманың сәтті шы­ғуы­на Рахия Абдукаримова жауапты болса, суретші Бақытжан Әлтаев сах­наны көркем­деді.

– Жазушы Ғабит Мүсірепов «Театр – хас сұлудың көз жасындай мөлдір өнер» деген екен. Көрермен жүрегінен жол табатын театр жанрлары аса күрделі саналады. Осындай жауапкершілікті сезіне білген біздің өнерпаздарымыз сахнада сәтті ойнап шықты. Театрландырылған көрініс сәтті қойылды. Өз кезегінде «О, қыздар» дра­масы мен «Еңлік-Кебек» трагедиясы мәдениет майталмандарының нағыз ше­берлігін көрсететін қойылым ретінде ерек­шеленді. Осындай мән-мағы­на­сы зор байқауларда бақ сынау арқы­лы зор тәжірибе жинақтаймыз, – деді аудан­дық мәдениет үйінің директоры Нұрхан Көшербаев.

Әділ қазылардың шешімі бойынша ау­дандық мәдениет үйі жанынан құрылған халықтық театр жүлделі ІІ орынды жеңіп алды. Айдарлы ауылдық мәдениет үйінің жанынан ашылған халықтық театр «Алғыс хатқа» ие болды. Жерлестерімізді жоғары табысымен құттықтаймыз!

Б.ОРДАБЕКОВ