Тіршілік тынысы Сырдария аудандық қоғамдық-саяси газет
» » «Мен ішпеген у бар ма?» драмасы сахналанды

«Мен ішпеген у бар ма?» драмасы сахналанды

Бүгін «Абай күніне» орай Айдарлы ауылындағы Ғ.Жанұзақов атындағы ауылдық клуб жанынан құрылған «Айдарлы халық театры» ақын Иран-Ғайып Оразбаевтың «Мен ішпеген у бар ма?» реквиемін онлайн түрде көрермен назарына ұсынды.

Драманы алғаш рет режиссер А.Әшімов 1987 жылы 14 қарашада Қазақ драма театрында сахнаға шығарған. Драмаға күрескер-ақын өмірінің соңғы кезеңі арқау болған. Режиссер тұрмыс-салттық және шарттылық тәсілдерді тоғыстырып, ақынның қоғамдық өмірдегі белсенділігін көрсетуге көңіл бөлген.

«Айдарлы халық театры» сахналаған спектакль режиссері – Рахия Абдукаримова. Абай бейнесін Орынбай Оспан сомдады. Қойылымда Құнанбай (Алмат Өтеуов), Оразбай (Бақытжан Әлтаев), Кунту (Сұңғат Раушанбеков), Көкбай (Нұрсейіт Сыздықов) Нұрғаным (Ләззат Бекарыстанова), Ақылбай (Сұңғат Мырзахметов), Олжабай (Ерсұлтан Шайхысламов) Хадиша (Нұрила Кенесары) бейнелері сәтті көрініс тапты. Суретші Бақытжан Әлтаев Абай заманын көрсете отырып, сахнаны мазмұнға сай безендірген.

10 тамыз 2020 ж. 119 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам