Тіршілік тынысы Сырдария аудандық қоғамдық-саяси газет
» » » Облыстық айтыстың жүлдегері атанды

Облыстық айтыстың жүлдегері атанды

Айтыскер-ақын, өтірік айтыс өнерінің майталманы Замаддин Ибадуллаевтың 80 жылдық мерейтойында аудан әкімі Р.Рүстемовтің бастамасымен ақын атындағы «Алдаспан» үйірмесі ашылған болатын. Аталған үйірменің мүшесі, Аманкелді ауылының тумасы Қамбар Нұрланұлы облыстық жас ақындар айтысының жүлдегері атанды. Қуанышты хабарды аудандық газетке жариялап, жыр сүйер қауымнан сүйінші сұрауды жөн көрдік.

Жаңақорған ауданында өткен оқушылар айтысында Сыр өңірінің өлең-сөзге құштар жас өрендері бақ сынады. Айтыс Әбу Насыр әл-Фарабидің 1150 жылдық, ұлы ойшыл Абай Құнанбайұлының 175 жыл­дық, Алтын Орданың 750 жылдық мерейтойы аянда ұйымдастырылған. Айтыста Сырдария ауданының намысын «Алдаспан» жас ақындар үйірмесінің мү­шесі Қамбар Нұрланұлы қорғады. Ол көпшілік ықыла­сына бөленіп, жүлделі үшінші орынды жеңіп алды. Жас өренді жыр бәйгесіне дайындаған Мамыр Бай­дәулетовтің айтуынша, іс-шара жоғары деңгейде өтіп­ті.

– Айтыс – ауыз әдебиетінде ежелден қалыптасқан поэзиялық жанр. Көпшілік алдында тез әрі ұтымды сөз саптай білетін шеберлердің жыр бәйгесіне халқымыздың құрметі ерекше. Осынау қасиетті өнердің туын төмен түсірмеу мақсатында Замаддин Ибадуллаев атындағы «Алдаспан» жас ақындар үйірмесін ұйымдастырып, ауданның өнері мен мәде­ниетін биікке көтеру үшін жұмыс жүргізіп жатырмыз. Алдағы уақытта да оқушылардың талабын ұш­тап, бағыт-бағдар береміз. Қамбар Нұрланұлының жетістігі үйірменің ғана емес, ауданның жетістігі. Үйірме мүшелерінің әлі талай бас жүлделер алатынына сенемін, – дейді М.Байдәулетов.

15 тамыз 2020 ж. 403 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам