Тіршілік тынысы Сырдария аудандық қоғамдық-саяси газет

PDF нұсқалар мұрағаты

№ 90 газет

19 қараша 2019 ж.

№ 89 газет

16 қараша 2019 ж.

№ 88 газет

12 қараша 2019 ж.

Жаңалықтар мұрағаты

«    Қараша 2019    »
ДсСсСрБсЖмСбЖс
 123
45678910
11121314151617
18192021222324
252627282930 
» » » Бас жүлде кімге бұйырды?

Бас жүлде кімге бұйырды?

М.Әуезов атындағы қазақ ака­демия­лық драма театрында 1964 жылы Шыңғыс Айтматовтың «Ана – Жер Ана» пьесасы сахналанды. Содан бері сахна­дан түспей келе жатқан спектакльде ең алғаш болып шырайын келтіріп ойнаған әйгілі актриса – Сәбира Майқанованың бейнесі көрермен жадында мәңгі сақталды. Қойылымда ана бейнесін айрықша сом­даған актрисаның өнер­дегі ғұмыры мен «Ана – Жер Ана» спектаклі қазақ мәдениетінің асыл қазынасына айналды. Өнері мен биік болмысы арқылы театрдың анасына айналған тарихи тұлғанының туғанына биыл 105 жыл толып отыр.
Аудандық мәдениет үйінде «Театр анасы – Сәбира» атты драма үйірмелерінің арасында облыстық байқау өтті. Аталған шараға жеті ауданнан жеті бірдей шығармашылық топ бағын сынап, үздік деген қойылымдарын көрермен назарына ұсынды.
Мәңгі өлмес өнер иесі, талантты тұлға, қазақ театрына қалтқысыз қызмет етудің жарқын үлгісін көрсеткен актрисаның өнерін насихаттап, өмірін үлгі етуді мақсат еткен байқаудың шымылдығын қазалылық өнерпаздар ашты. Кейін Жалағаш ауданынан келген Мөрәлі Шәменов ауылдық мәдениет үйі жанындағы драма үйірмесі балаларға арналған қойылымды сахналаса, аудан намысын қорғаған «Сыр жастары» драма үйірмесі Р.Отарбаевтың «Қандыөзек» қойылымын өз биігінде көрерменге жеткізді. Нашақорлықтың торына түсіп, айықпас дертке шалдыққан жастардың образын аша білген сырдариялықтарға қошемет те ерекше соғылды. Көзіне жас алған көрермен біршама уақыт оқиға желісінен шыға алмады.
Мұнан соң Шиелі ауданынан келген Сұлутөбе ауылдық «Жалын» драма үйірмесі «Алдараспан» әзіл-сықақ театрының «Қарттар үйі» қойылымын кәсіби актерлік шеберлікпен сахналады.
Қазылар алқасының шешімі бойынша бай­қаудың бас жүлдесі Сырдария аудандық мәдениет үйі жанын­дағы «Сыр жастары» драма үйірмесіне бұйырды. Балалар қойылымын сахналаған жалағаштықтар жүлделі бірінші орынды иеленсе, шиелілік өнерпаздар екінші орынмен марапатталды. Ал үздік өнер көрсетіп, көрермен көңілінен шыққан Қазалы мен Жаңақорған ауданынан келген үйірмелерге жүлделі үшінші орын берілді. Жеңімпаздар Алғыс хатпен марапатталып, бағалы сыйлық табыс етілді.

Майя ҚОЖАБАЙ
05 қараша 2019 ж. 88 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам