Ауданның 90 жылдық мерейтойына орай халық жазушысы Қ.Мұхамеджановтың «Бөлтірік бөрік астында» атты атақты спектаклі сахналанды.
Аудандық мәдениет үйінде өткен қойылымды тамашалаушылардың қарасы қалың болды.
Қ.Мұхамеджановтың шығармашылығын насихаттауды мақсат тұтқан шара жоғары деңгейде өтті.
Театр актерлері мол тәжірибелері арқылы қоғамдағы білімсіздік, мансапқорлық, ұлттық әдет-ғұрып, ана тілінен безіну сияқты келеңсіздіктерді ащы күлкімен жеткізді.
Талғамы жоғары көрермендер қойылымда басты рөлдерді сомдаған актерлердің шеберліктеріне тәнті болды.
Жалпы, аудандық мәдениет үйінің өнерпаздары аталған қойылыммен бірнеше рет облыстық деңгейдегі байқауларға қатысып, жеңімпаз атанып жүр. Бұл өнер мен мәдениет саласына бағытталып жатқан ауқымды қолдаулардың жемісі.