ТАРИХИ ЕСКІРТКІШТЕР КӨРСЕТІЛДІ

Жақында аудандық "Оқушылар үйінде" "Болашаққа бағдар: Рухани жаңғыру аясында "Мәртебелі туған ел" акциясының бағдарламасы бойынша  "Өлкетану", "Робототехника" үйірмелерінің ұйымдастыруымен "Туған өлкем - туған шежіре" тақырыбында, фотогалерея өткізілді. Шараға мектеп оқушылары мен ұстаздар қатысты.
Туған жердің аты аңызға айналған  тарихи атаулары туралы  мол деректер жинақталып, көпшілікке түсіндірілді. Сыр топырағындағы ескерткіштерге, мұражайларға,  ұстаздар Қалжан Ахун, Садақ Ахун кесенелеріне тоқталып слайд арқылы көрсетті. Талай жыл  бойы жинақталған тың деректерге қаныққан қатысушылар  ерекше әсер алғандарын жеткізді.