Аудан бюджетінің 2018 жылдың 11 айына жоспарланған бюджет кірістері қорытындысы 101,7 пайызға орындалды.

2018 жылы аудан бюджетін бекіту барысында кіріс көздерінің толық орындалмайтындығы жөнінде облыстық экономика және бюджеттік жоспарлау басқармасына есептемелер ұсынылғанымен, облыс тарапынан жоспар артығымен бекітілді.

Ауданның кіріс бөлігінің орындалмайтындығы жөнінде аудан тарапынан облыстық деңгейде қарауға бірнеше рет ұсынылып, нәтижесінде жыл көлемінде облыстық бюджет есебінен 1,8 млрд. теңге көлемінде қосымша қаржы бөлінді.

2019 жылға осы мәселе қайта туындамау мақсатында ауданның кіріс көздеріне толық талдау жасалып, дәлелдеме құжаттарымен облыс әкімдігіне ұсынылып, облыс әкімінің қолдауымен облыстық бюджеттен 1,8 млрд. теңге трансферт бөлінді.