Ауданның білім саласында бастапқы бас­палдақ ретінде балабақшаларды аңғарамыз. Әр істі тыңғылықты атқару мен ұйымшылдық бас­ты назарда екені белгілі. Іргелі ұжым, өнегелі маман ретінде №1 «Қызғалдақ» бөбекжай балабақшасы басылым таралымын арттыруда. Аталған мекемеде 37 қызметкер жұмыс істейді. Бүгінде олар 10 дана «Сыр бойы», 30 дана «Тіршілік тынысы», 3 дана «Кызылординские вес­ти», 2 дана «Ақмешіт жастары», 2 дана «Халық», 1 дана «Егемен Қазақстан», 1 дана «Казахстанская правда», 1 дана «Айқын» газетіне жазылды. Әр маманның таңдауын келістіріп, ақпарат көзімен сусындауда сүбелі үлес қосқан мекеменің психологы Жайна Файзуллақызының баспасөзге жазылуда еңбегі зор.

– 2025 жылдың ІІ жартыжылдығына бас­пасөзге жазылу науқаны ойдағыдай өтті. Жергілікті тұрғындарды және әр мекеменің қыз­меткерлерін ақпараттандыруда аудандық газеттің атқарар рөлі маңызды. Қоғамдық-саяси, рухани-мәдени ақпараттар және ау­данның елеулі жаңалықтары үнемі жариялану үстінде. Газетке жазылу арқылы меке­менің мамандары түрлі ақпарат пен жаңалықтарға қанық болады. Соңғы мәсе­лелер мен мәдени іс-шаралардың орын ал­уы­нан да хабардар болып отырамыз. Негізгі төл газетімізге жазылу науқанынан құр қалған емеспіз. Басылым құнды әрі тарихқа толы маңызға ие екені мәлім. Бүлдіршіндерге бас-көз болумен қатар басылымдағы әр ақпаратпен таныстырсақ, келешек ұрпағымыз көпке үлгі болары анық, – деді мекеме басшысы Ақанай Шоханова.

Ұжымның басты ерекшелігі – шығарма­шылық ізденіс пен кәсіби жауапкершілікті үйлестіре білуінде. Ал төл басылымның ар­тықшылығы – ұлттық болмысты, тарихты, дәстүр мен салтты тереңнен қозғап, ұлт руханиятының айнасына айналуы. Ауызбіршіліктің үлгісін көрсеткен №1 «Қызғалдақ» бөбекжай балабақшасы ұжы­мының білім саласында қажырлы еңбегі көп­шілікке мәлім.