Тіршілік тынысы Tirshilik-tynysy.kz ақпараттық агенттігі
» » Жергілікті газетке түгел жазылған ұжым

Жергілікті газетке түгел жазылған ұжым

Газет оқырманымен құнды. Ал оқыр­­ман қауым мазмұнды газетті оқы­­ғысы келеді. Осы ретте Сырда­рия ау­­дандық Оқушылар үйінің ұжы­мы маз­мұнды ақпараттарға толы жергі­лікті басылымдарға жа­зы­луды үрдіс­ке айналдырған. Ірге­лі ұжым аудан ай­насы «Тір­шілік тынысы» газетіне де тұрақты түрде жазылып, мерзімді бас­пасөз арқылы ауданның тыныс-тір­­шілігімен танысып келеді.

2022 жылдың екінші жартыжылдығы үшін газетке жазылу маусымы басталғалы аудан тұрғындарының басылымға жазылу белсенділігі жоғары. Бұл өз ке­зегінде халықтың сауаттылығы мен қоғам өмірінен ұдайы хабардар болып отыруды қолдайтын ашық көз бен ояу көкіректілікті көрсетсе, бір жағынан, ау­дан айнасына айналған басылымның күн санап оқыр­мандарды қызықтырып, өзіне тартып келе жат­қан­дығын байқатады.

Осы ретте, тұрғындармен қатар мемлекеттік мекемелер де жергілікті газетке ұжым болып жазылуда. Сондай белсенді ұжымдардың бірі – Сырдария аудандық Оқушылар үйінің ұжымы. Ерекше айтып өту керек, ұжымдағы барлық қызметкер аудандық «Тіршілік тынысы» газетіне жазылған. Ба­­сылымның тұрақты оқырманына айналған мекеме қызметкерлері редакциямен ұдайы байланыста.

– Ұлт ұстазы Ахмет Байтұрсынұлы «Газет – ха­лық­­­­тың көзі, құлағы һәм үні» деп басталатын ма­қа­ласында «...адамға көз, құлақ, тіл қаншалықты керек болса, халыққа да газет соншалықты керек. Газеті жоқ жұрт басқа газеті бар жұрттардың қасында құлағы жоқ керең, тілі жоқ мылқау, көзі жоқ соқыр секілді» деп ой қорытады. Біз бұдан адам өмірінде мерзімді басылымдардың алатын орны жоғары екенін аңғарамыз. Біздің ұжым жергілікті газеттен бөлек республикалық «Егемен Қазақстан», «Казахстанская правда», «Айқын», «Халық», облыстық «Сыр бойы», «Кызылординские вести», «Ақмешіт жастары» га­зеттеріне де жазылып келеді. Аталған газеттердің ішінде өзіміздің төл басылымымыз «Тіршілік тынысы» газеті біздің оқушылармен бірге ұйымдастыратын іс-шараларымызға ақпараттық қолдау көрсетуде. Біз редакциямен әріптестік байланысты нығайтуға әркез дайынбыз, – дейді аудандық Оқушылар үйінің директоры Әділбек Бәйменов.

Баспасөзге жазылу науқанында Оқушылар үйінің ұжымын өзге мекемелерге үлгі етіп, ұжыммен жазылуды үрдіске айналдыруға шақырамыз. Ал қазақ баспасөзіне қолдау көрсетіп, ауызбіршілік пен ұжым­дық еңбектің жарқын үлгісін көрсетіп отырған іргелі ұжымға жұмыста жеміс, шығармащылық табыс ті­лей­міз.




А.СЕЙІЛОВ
07 маусым 2022 ж. 674 0