Ауыл әкімі қазы­налы қа­рия­ларды мерекемен құттықтап, аға буын өкілдерінің ел дамуы жолындағы қажырлы еңбегі үлгі екенін ерекше атап өтті.

– «Қарттарым – қазы­­наларым» дейтін халық­пыз. Ақылы дария қарттарымыздың халықаралық мерекесі біздің елімізде ғана емес, әлемнің түкпір-түкпірінде аталып өтеді. Бұл күні алуан түрлі жобалар ұйымдастырылып, қарттарға арналған мерекелік іс-шаралар өткізіледі. Біз әрқа­шан қариясын қадірлеп, арда­герін ардақтаған текті елдің ұрпағымыз. Әркез алдыңғы буын аға-апаларымыздың ел дамуы жолындағы ерен ерлігі мен қажырлы еңбегін үлгі тұта­мыз. «Қарты бар үйдің қазынасы бар» деген қазақ даналығы осынау мерекенің мәнін ұғындырып тұрғандай. Бізге және өсіп келе жатқан өскелең ұрпаққа сіздердің әр­біріңіз­дің өмір жолдарыңыз өнеге, еткен еңбектеріңіз үлгі. Қымбатты қазыналы қарттар! Мерекелеріңіз тағы да құтты болсын! – деді ауыл әкімі Зейнұр Жаманқұлов.

Айтулы мерекеге орай ауыл әкімі 80 жас мерейтой иелерін алғыс хатпен құттықтады. Қазы­налы қариялар Серікбай Тұяқбаев, Рыскүл Әмірсейтова, Тынымкүл Садуақасова, Серікбай Абсатов, Сералы Опалқожаев марапат­талды. Одан бөлек аудан әкімінің Еңбек күніне орай құттық­тауымен Құрманбек Молдияров марапатталды.

Мерекелік іс-шара барысын­да отау құр­ғандарына 50 жыл толған алтын той және де 40 жыл бір шаңырақ астында отау құрған лағыл той иелерінің неке қию, нақтырақ айт­қанда неке жаңғырту рәсімі өткізілді. Кеш қонақтары алтын той, лағыл той иелерінің бір-біріне бер­ген мәңгілік сертінің куәсі болды.

Өз кезегінде Сыр сүлейлерінің із­ін жалғаушы жыршы-термеші, облыстық, рес­публикалық жыр бай­­­қауларының жеңімпазы, ауыл көркем­өнерпаз­дары кон­церт­­тік бағ­дар­ла­ма ұсынып, мере­келік көңіл-күй сыйлады.