Алтай Айнабек Аралда экологиялық апаттан күн сайын зардап шегіп жатқандардың атынан сөйлеп жатқанын айтты. Сондай-ақ ол бір кездері ұлы теңіз болған жердің қалдықтарының арасында өмір сүріп жатқанын жеткізді.

“Құрметті Леонардо Ди Капри және баршы асыл жандар! Тыныс алған кезде тұздың ащы иісі келетін әлемде өмір сүріп жатқаныңызды елестетіп көріңіз. Бір кездері нәр берген жер қазір тозаңға айналған. Бұл Орталық Азиядағы миллиондаған адамдар үшін ащы шындық. Арал теңізінің құрғаған табанынан шыққан тұзды жел тасып, алыс-жақын маңға тарап, топырақты, суды, ауаны уландырып жатыр”, – дейді ол.

Сондай-ақ ол мұнымен мәселе бітпейтінін, Аралдың түбінен жел арқылы ұшқан тұз Азияның су мұнаралары" болған құдіретті Гималайға жететінін айтты.

"Оңтүстік өңірлерге әсер етуі заңды": Жасанды жаңбыр арқылы Аралды сумен толтырамын деген ғалым процесті қалай жүзеге асыратынын айтып берді

"Адам сеніңкіремейтін тәсіл": Экология министрі Арал теңізін толтыруға тырысқан "жаңбыр адамның" жобасына пікір білдірді

“Тұз ғасырлар бойы миллиардтаған адамдарды қолдап келген мұздықтардың, өмір беретін мұз массаларының еруін тездетеді. Мұздықтар еріп жатқанда, оның әсері әлдеқайда алыс жерде сезіліп, адамдарға, өсімдіктерге, ауыл шаруашылығына және бүкіл экожүйеге әсер етеді. Бұл тұз, үнсіз күш, жерді ғана емес, осы аймақтағы тіршіліктің мәнін жеп жатыр. Оның салдарынан мұздықтар жылдам қарқынмен еріп, табиғаттың тепе-теңдігін бұзып, келешек ұрпақтың болашағына қауіп төндіреді”, – дейді “жаңбыр адамы.”

Алтай Айнабектің сөзінше, бұл мәселелерді шешуге мүмкіндік бар.

“ International Center of Climate Change Technologies компаниясы, жаңбырды жақсартудың инновациялық технологиялары арқылы апаттарды жоюға тырысамыз. Біз жаңбырды қайтару, ауаны тазарту, жерді қалпына келтіру және мұздықтарды осы сусымалы қауіптен қорғау үшін жұмыс істеп жатырмыз. Климаттың өзгеруінің салдарын азайту үшін күресуге арналған барлық асыл жандарға осы маңызды миссияға қосылуға шақырамын. Арал теңізінің халықтары, Гималай халқы – біздің көмегімізге мұқтаж”, – дейді ол.

Сондай-ақ жаңбыр адамы Аралдағы өмірді қалпына келтіру үшін бүкіл халық бірігіп жұмыс істеуі керегін айтты.

Айта кетейік, бұған дейін Еліміздің Ауыл шаруашылығы вице-министрі Азат Сұлтанов жасанды жаңбыр технологиясын жасаған Алтай Айнабектің жобасына қолдау көрсетпейтінін айтқан еді.

Еске салайық, Америкалық актер Леонардо Ди Каприо Instagram желісіндегі парақшасында жойылып бара жатқан ақбөкендерді сақтауда табысты еңбегі үшін Қазақстан үкіметін құттықтаған еді.

Леонардо Ди Каприо көп жылдар бойы қоршаған ортаны сақтауға үлесін қосып келеді. Сонымен қатар ол жойылып бара жатқан жануарлардың қорғаушысы ретінде көзге түсіп жүр. Оның “Ди Каприо" қоры әлемнің 40 еліндегі ондаған экологиялық жобаларға 30 миллион доллардан астам қаржы бөлген. Бұл әрекеті үшін актер Хрусталь сыйлығын алған еді.