Комиссияның күн тәртібінде негізгі үш мәселе қаралды. Аудандық төтенше жағдайлар бөлімімен 2023 жылы атқарылған жұмыстардың қорытындысы және жылу беру маусымы кезіндегі жеке секторлардағы өрт қауіпсіздігі шаралары туралы мәселелер бойынша аудандық төтенше жағдайлар бөлімінің бастығы Қанат Шарафадинов хабарлама жасады. Бөлім бастығы жыл көлемінде орын алған төтенше жағдайлар бойынша тиісті жұмыстар атқарылғанын және өртті болдырмауға күштік құрылымдар бірлесе жұмыстар жүргізілгенін атады.

Ал үшінші мәселе – көктемгі мезгілде Сырдария өзеніндегі суды қауіпсіз өткізу жөнінде «Сырдариясушар» өндірістік учаскесі басшысының орынбасары Мирлан Айтмұханов баяндады.

Комиссия отырысының қорытындысымен аудан әкімі жауапты мекеме басшыларына арнайы тапсырмалар берді.