Тіршілік тынысы Tirshilik-tynysy.kz ақпараттық агенттігі
» » Төтенше жағдайдың алдын алу: дайындық пысықталды

Төтенше жағдайдың алдын алу: дайындық пысықталды

Бүгін аудан әкімінің орынбасары Б.Лекеровтың төрағалығымен төтенше жағдайлардың алдын алу және оларды жою жөніндегі аудандық комиссия отырысы өтті.

Отырыстың күн тәртібінде 3 мәселе қаралды. «2020-2021 жылдардағы су тасқынының алдын алу шаралары туралы», «Дала өрттерін алдын алу мақсатында атқарылған жұмыстары мен алға қойылған міндеттері туралы» және «Көктем-2021» республикалық штабтық оқу жаттығуын өткізу туралы» мәселелер бойынша тиісті сала басшылары хабарлама жасады. Олар аудан көлемінде төтенше жағдайдың алдын алу, су тасқыны мен дала өрттерін болдырмау бағытында атқарылып жатқан жұмыстарды атап көрсетті.

Барлық мәселе қаралғаннан кейін аудан әкімінің орынбасары тиісті сала басшылары мен азаматтық қорғау қызметтеріне авариялық-құтқару қызметтері мен күш-құралдарының дайындығын үнемі әзірлікте ұстау керектігін және өзен арнасындағы сең кептелісін болдырмау мақсатында нақты тапсырмалар берді.

Е.БЕРКІНБАЕВ
03 наурыз 2021 ж. 332 0