Тіршілік тынысы Tirshilik-tynysy.kz ақпараттық агенттігі
» » Қауіпсіздік – басты талап

Қауіпсіздік – басты талап

Тереңөзектіктердің көгілдір отынның игілігін көріп келе жат­­қанына біршама уақыт болды. Күнделікті тұрмыста аса маңызды қажеттілік болып табылатын газдың берілуі аудан тұрғындарының жұмысын жеңілдетіп, шығынын азайтты.

Тереңөзек кенті бойынша жеке тұрғын үй­лердің саны 1834 болса, пәтерлердің 253-і газ желісіне қосылған. 108 әлеуметтік және кә­­­сіпкерлік нысан табиғи газды пайдалануда. Жылу беру маусымы қарсаңында сала мамандары тұрғындарға қауіп­сіздік шараларын бас­ты назарға алуды қатаң ескертеді.

– Аудан орталығындағы барлық көшеге газ желілері жүргізілген және газ қысымы қалыпты. Көгілдір отынның игілігін көріп отырған көпшілік уақыт өте келе жаңашылдыққа үйренісіп келеді. Дәл қазіргі сәтте ауданымызда жылыту маусымына дайындық қарқынды жүргізілуде. Газ желісі құбырларының белгілері мен көпқабатты тұрғын үйлердің газ реттегіш пункттері сырланып, тексеру жұмыстары жасалуда. Тұрғындарға үй-жағдайында орна­тылған газ тұтыну жүйелерін техникалық қыз­меттен өткізу қажеттігін ескерткіміз келеді. Табиғи газды тұрмыста қауіпсіз пайдалану – адам өмірі үшін маңызды. Сонымен қатар, ком­му­налдық-тұрмыстық тұтынушылардың газ тұ­­тыну жүйелеріне және газ жабдығына тех­­­­ни­калық қызмет көрсетуге арналған шарт жасаспай, оларды пайдалануға тыйым салынатынын ескерткіміз келеді, – дейді Сырдария аудандық газ шаруашылығы директоры Е.Есенгелді.

Әзірге Тереңөзек кентінің тұрғындары ға­на табиғи газдың игілігін көріп отыр. Алда­ғы уақытты Қалжан ахун ауылдық окру­гінің тұрғын­­­дары да көгілдір отынға қол жет­кіз­бек. Осы мақсатта қазір тиісті жұмыс­тар жүр­гізілуде. Сала мамандарының дәйегінше, жұ­мыс­­тардың 80 пайызы атқарылған.

Тұрғын үйлерге газ жүйесі жүргізілгелі тұр­ғын­­­дардың қуанышында шек жоқ. Олар көмір тасып жағудың машақаты көп екенін айта­ды. Сондай-ақ, газ баллондарын арнайы орталық­тан толтырып, ай сайын тасудың да қиын­шылықтары бар. Бүгінде тәуліктің кез келген уақытында көгілдір отынның игілігін кө­ріп жүрген халық жылыту маусымында да еш қиналмайтынына қуанады. Ауданымызға газ­дың берілуі тарихи жаңалық болды.

Осы ретте сала мамандары тұрғындар игілі­гін көріп отырған көгілдір отынды қол­данудың өзіндік ережелері мен қауіпсіздік ша­ра­лары бар екенін ескертеді. «Апат айтып келмейді» дегендей, қауіпсіздік шараларын сақтамау келеңсіз оқиғаға апаруы мүмкін екенін ескерткіміз келеді. Жылыту мау­­сымы алдында тұрғындарға үй-жайдағы газ қондырғыларын тексерту қажеттігін ес­кертеміз. Сондай-ақ, тұрмыстық газ желісі бойынша ақау орын алған жағдайда «109» бірыңғай нөміріне қоңырау шалу керектігін еске саламыз.

А.МҰХАНБЕТҚАЛИ
09 қыркүйек 2023 ж. 346 0