Көпқабатты үйлердің аулалары абаттандырылады

Кеше аудан әкімі Берік Сәрменбаев аудандық Қоғамдық кеңес мүшелерімен бірге Тереңөзек кентіндегі А.Иманов көшесінің тұрғындарымен кездесті. Алдағы уақытта көше бойындағы көпқабатты үйлердің аулаларын абаттандыру жоспарлануда. Осыған байланысты тұрғындардың ұсыныс-пікірлерін тыңдады.

– Халыққа қолайлы жағдай жасау тұрақты назарымызда. Өткен жылы А.Әлиакбаров көшесіндегі көпқабатты үйлердің ауласы абаттандырылды. Енді биыл А.Иманов көшесіндегі көпқабатты үйлердің ауласын абаттандыруды жоспарлап отырмыз. Бұл жұмыстар демеушілік есебінен іске асырылады, – деді аудан әкімі Берік Әбдіғаппарұлы.

Көпқабатты тұрғын үйлер ауласының жолдары жөнделеді, автотұрақтар салынады. Сондай-ақ, демалыс орындары, спорт және ойын алаңдары салынып, қолайлы жағдай жасалмақ.

Осыған қатысты көше тұрғындары ұсыныс-пікірлерін білдірді. Аудан басшысы тұрғындар пікірі ескеріле отырып, абаттандыру жұмыстары жүргізілетін атап өтті.

Сырдария ауданы әкімінің баспасөз қызметі