Тұрғындар мәселесінің шешімі

Тереңөзек кенті А.Әлиакбаров көшесінің тұрғындарымен көпқабатты үйлердің ауласын абаттандыру бірнеше рет сұралған еді. Бұл туралы аудан әкімі М.Ергешбаевтың көше тұрғындарымен кездесуінде көтеріліп, аудандық «Тіршілік тынысы» газетінде сауал қойылып, әлеуметтік желілерде де талқыланған еді. Тұрғындар өтінішіне сәйкес, тиісті жоба жасалып, облысқа ұсынылды. 2022 жылы облыстық бюджеттен қолдау тауып, тиісті жұмыстар жүргізілді.

Нәтижесінде, 9 тұрғын үйдің ауласын абаттандыру жұмыстары жүргізілді. "АСАНАС-ДАР" ЖШС-і мекемесі толық аяқтады. 9 үйдің ауласына 9 автотұрақ салынды. Әр үй алдына демалуға арналған орындықтар, кір жаюға керекті орын белгіленген. 6 кілем қағуға арналған орын, 23 қоқыс салатын жәшік орнатылған. Жолдары жөнделіп, ыңғайластырылған жаяу жүргіншілер жолы салынған.

Кішкентайларға арналған 4 ойын алаңы, футбол мен баскетбол ойнайтын 1 алаң ел игілігіне берілді. 2 дәретхана мен қоқыс тастайтын арнайы орын жасалған.

Биылғы жылы да барлығы 780 млн.теңге қаржыға Тереңөзек кентінде абаттандыру, жол жөндеу, ауыз су құбырларын жөндеу, аяқ су жүргізу, жаңа ықшам аудан инфрақұрылымын жүргізу жұмыстары жүргізілмек. Бұған дейін тұрғындар тарапынан көтерілген Б. Момышұлы көшесі мен И. Тоқтыбаев көшесін жөндеу жұмыстары жалғасатын болады.