Көп қабатты үйлердің айналасына өзгеріс енген

Соңғы жылдары аудан орталығын абаттандыруға айрықша назар аударылуда. Тереңөзек кентіне кіреберістен бастап тазалық жұмысына аса мән берілуде. Қазіргі уақытта орнату, ойын алаңдарын салу, басты көшені жөндеу, аяқ жол салу, көше жарығын заманауи талаптарға сай ету жұмыстары күн тәртібенен түскен емес. Айта кетейік, әрқашан кент тұрғындарының талап-тілегі назардан тыс қалған емес.

Әр жылдары А.Әлиакбаров көшесіндегі көпқабатты тұрғын үй тұрғындары сол маңды абаттандыру туралы өтініштерін жерігілікті әкімдікке білдірген болатын. Бірнеше рет аудан әкімі Мұрат Ергешбаев тұрғындарман арнайы кездесіп, абаттандыру жұмыстары қолға алынатынын айтқан еді. Жоба дайындау, мердігер мекемені анықтау секілді тиісті кезеңдерден кейін көше бойында құрылыс бастау алғандығын ескертеміз.

Жақын күндері құрылыс жұмыстарының басталғанына көпқабатты тұрғын үйлердің тұрғындары қуаныштарын білдіруде. Алдағы уақытта бұл аулада автотұрақтар, балаларға арналған ойын алаңдары пайда болатындығы көңілге медеу сыйлайды. Айта кетейік, көп қабатты тұрғын үй манайындағы құрылыс жұмыстары аяқталуға жақын. Жергілікті тұрғындар қуанышында шек жоқ. Өйткені, көп қабатты үйлердің айналасына өзгеріс енген.