Бесарық, Қоғалыкөл, және Шіркейлі ауылдарында аудан әкімінің тұрғындармен кездесуі өтті

Қазақстан Республикасы Президентінің "Әкімдердің халықпен кездесулерін өткізу туралы" №826 жарлығына сәйкес бүгін Сырдария ауданының әкімі Сәрменбаев Берік Әбдіғаппарұлының кент және ауылдық округ халқымен кездесуі Бесарық, Қоғалыкөл, Шіркейлі ауылдарында өтті.

Кездесуге облыстық мәслихаттың депутаты Ж.Ембергенов, аудан прокуроры А. Кемалов, аудандық полиция бөлімінің бастығы Ғ.Тұрсекеев, аудандық ардагерлер кеңесінің төрағасы М. Келдібаев, дербес бөлім мен коммуналдық сала басшылары қатысты.

Жиын барысында аудан әкімі Б. Сәрменбаев аймақ бойынша жаңалықтармен бөлісіп, аудан бойынша атқарылған жұмыстар туралы баяндады.

Аудан басшысы Берік Әбдіғаппарұлы аталған елді мекен тұрғындарының ұсыныс-пікірлерін тыңдап, тұрғындардың жеке мәселелерімен де қабылдау жүргізді. Тиісті сала басшыларына тапсырмалар берді.

Әрбір елді мекендегі халықтың мәселесін шешу аудан әкімдігінің күн тәртібінен түспейді.

Таңшолпан ШАНЖАРХАНОВА