Тіршілік тынысы Tirshilik-tynysy.kz ақпараттық агенттігі
» » Ауыл халқымен кездесті

Ауыл халқымен кездесті

Ел Президентінің «Әкімдердің халықпен кездесулерін өткізу туралы» №826 жар­лығына сәйкес ауданда төртінші тоқсандағы халықпен кездесулер өткізіліп жатыр. Кеше аудан әкімі Мұрат Ергешбаев Бесарық, Қоғалыкөл, Шіркейлі ауылының тұрғындарымен кездесіп, мәселелерін тыңдады. Кездесуге аудандық мәслихаттың хатшысы Е.Әжікенов, аудан прокуроры А.Кемалов, аудандық полиция бөлімінің бастығы Н.Ибраев, аудандық ардагерлер кеңесінің төрағасы М.Келдібаев, аудандық қоғамдық кеңес төрағасы М.Еспенбетов, дербес бөлім мен коммуналдық сала басшылары қатысты.

Тұрғындармен кездес­кен аудан басшысы алдымен ай­мақ көлемінде атқарылып жатқан жұмыстарға тоқталды. Бүгінде облыс орталығындағы шыны зауытының жан­дануы, жылу электр орталығының құ­рылысы, облыс орталығында бастау ал­ған «Өнер» орта­лығы, «Қан» орталығы, «Аналар үйі» секілді ірі жобалар­ды атап көрсетіп, мұның өңір экономикасына серпін беретінін жеткізді. Сондай-ақ об­лыс әкімі тұрғындармен жиі кездесу өт­кізіп, соның аясында жақын арада аудан орталығында құқық қорғау органдарының басшыларымен­ бірге сырдариялықтардың мә­селесін тыңдағанын атады.

Сонымен қатар аудан басшысы биылғы аудан жетіс­тігіне арнайы тоқталып өтті.

– Аудан су тапшылығына қарамастан мемлекеттік қол­дау­лардың нәтижесінде айма­ғы­мызда ауыл шаруашылық саласындағы «Үздік аудан»­ атанды. Сырдариялық ди­қан­дар 20728 гектарға күріш дақылын орналастырып, әр гектарынан орташа есеппен 64,0 центнерден, бар­лығы 1 326 592 центнер сыр салысы қамбаға құйылды. Қазіргі таңда ауданда 127 ша­руашылық құрылымдары мал шаруашылығымен айналы­сып­­ келеді. Оның ішінде, 11 ша­руашылық асыл тұқымды мал шаруашылығымен айналысу­да. Бұл жұмыстардың бар­лы­ғына да бірліктің, ең­бек­тің арқасында жетіп отыр­­мыз. Аймақ басшысы ауданымызға үлкен қолдау білдіріп отыр. Сол қолдауларды тиімді пайдаланып, алдағы уақытта да осы биіктен түспей жұмыстар атқаралатын болады, – деді аудан басшысы.

Биыл Бесарық және Қоға­лы­көл ауылдарында көше­лер жөн­делсе, Шіркей­лі ауылында дәрігерлік амбула­то­риялық бекет күрделі жөндеу­ден өту­де. Қоғалыкөл ауылын­дағы электр желілерін ауыстыру мәселесі бірнеше жиында көтерілген еді. Қазіргі таңда мемлекеттік сатып алу жұмыс­тары жүр­гізілуде. Сонымен қатар, ауыл­да электр желілерімен қо­са көше жарығын орналас­тыру жүр­гізілетін болады.

Кездесулерде елді мекен­ тұрғындары аудан әкіміне мә­се­лелерін айтып, ұсыныс-пі­кір­лерін жеткізді.

«ТТ» ақпарат
08 қараша 2022 ж. 401 0