Сырбойылық қаламгерлер құрылтайға қатысады

Қазақстан Жазушылар­ одағы­ның әр бес жыл са­йын өтетін Құрыл­тайы биыл ­12 мамыр­ күні Алматы қаласында ұйымдасты­рыла­ды деп жос­пар­ланған. Осыған байланысты Жазу­шылар одағының Қызыл­орда облыстық филиа­лының төрағасы Қаршы­ға Есімсейітованың төрағалы­ғымен арнайы жиын өткізілді.

Облыс орталығындағы Т.Жүргенов атын­дағы шығармашылық үйінде өткен жиынға Жазушылар одағының Қызылорда облы­сындағы мүшелері қатысты. Олар алдағы Құрылтайға қатысудың дайындық мәсе­лелерін пысықтап, өзара пікір алмасты.

– Сыр өңірі – бекем бірлік пен көркем тір­лік ұштасқан киелі мекен. Біз осынау үлгілі үрдіс сырбойылық ақын-жазушылардың арасында да қалыптасқан деп нық сеніммен айта аламыз. Сырбойылық қаламгерлер қашанда ел мүддесі жолында ауызбіршілік танытып, игі істердің бастамашысы болып келеді. Жазушылар одағының облыстық филиалының жұмысына облыс әкімдігі қолдау көрсетуде. Қаламгерлер облыс аумағындағы қоғамдық-саяси, рухани-мәдени іс-шаралардан тыс қалып жатқан жоқ. Биылғы Құрылтайға да облыс әкімдігінің қолдауымен жерлес ақын-жа­зушылар бір кісідей қатысады. Нақтыланған мәлімет бойынша Қызылорда облысынан Құрылтайға 19 қаламгер барып қатысады. Қосымша ақпараттар тағы да жарияланады, барша әріптестерімізге шығармашылық сәт­тілік тілейміз, – деді филиал төрағасы.

Айта кету керек, Қазақстан Жазушылар одағының кезекті Құрылтайы 12 мамыр күні Алматы қаласындағы опера және балет теат­рында басталады.

Ақтөре Ибрагимұлы,
Қазақстан Жазушылар
одағының мүшесі