Тұрғындарды қабылдады
Аудан әкімі Берік Сәрменбаев сырдариялық тұрғындарды жеке мәселелері бойынша қабылдады. Қабылдауға келген тұрғындар өздерін мазалап жүрген мәселелерін айтты.Сырдариялықтар қабылдауда жеңілдетілген несие, тұрғын үй, тұрақты жұмыс және әлеуметтік көмек бойынша өтініш-тілектерін жеткізіп, мәселелерінің оң шешімін табуына ықпал жасауды сұрады. Олардың өтініштеріне сәйкес аудан басшысы жеңілдетілген несие алу жұмыстарын жүргізуді және жұмыспен қамтамасыз ету бойынша тиісті сала басшыларына тапсырма берді. Сондай-ақ заңнамалық тұрғыдан түсіндірме жұмыстарын жүргізді.
Айта кетейік, аудан әкімі тұрғындарды жеке мәселелері бойынша әр аптаның жұма күні қабылдайды.
«ТТ» ақпарат
