Аудан әкімі тұрғындардың мәселесін шешуді тапсырды

Аудан әкімі Мұрат Ергешбаев тұрғындарды жеке мәселе бойынша қабылдады. Жеке қабылдауға кент және Іңкәрдария, С.Сейфуллин ауыл округінен тұрғындар келіп, жер және тұрғын үй, жұмысқа орналасу, әлеуметтік мәселелері бойынша көмек сұрап, толғандырған сауалдарын қойды.

Қабылдау барысында аудан әкімі Мұрат Нәлхожаұлы әрбір тұрғынның мәселесін мұқият тыңдап, заң шеңберінде түсіндіру жұмысын жүргізді. Сондай-ақ бірқатар азаматтарды жұмыспен қамту бойынша тиісті бөлімге тапсырма жүктеді. Аудан басшысы азаматтардың талап өтініштері жеке бақылауында болатынын жеткізді.

@Сырдария ауданы әкімінің баспасөз қызметі.