Ауылдарда айтулы жұмыстар атқарылуда

Ауданға әкім болып тағайындалған Берік Сәрменбаев жұмыс сапарын ау­дан­ орталығынан шал­ғай жатқан ауылдардан бастады. Айдарлы, Жеті­көл,­ Аманкелді және Қоға­лыкөл елді мекендеріне барып, халықпен кездес­ті. Сондай-ақ ауылдарда атқарылып жатқан жұмыстардың барысын көрді.

Ауыл халқының талап-тілегіне орай Айдарлы, Же­тікөл, Аманкелді және Қоғалыкөл елді мекендерінде электрмен жабдықтау жұмыстары жүргізілуде. Бұл мәселені жергілікті тұрғындар көптен бері назарға салып келді. Ескірген электр желілері салдарынан жауын жауса, жел болса, жарық сөніп қалатын. Міне, сол мәселе төрт ауылда қатар шешімін тауып, жаңа трансфор­ма­торларды орнату, желілерді жа­ңарту, бағаналарды түгел ауыстыру жұмыстары жүргізілуде. Бұл жұ­мыстарды мердігер мекеме «Уни­вер­салСтройСервис» ЖШС атқа­ру­да.

– Ауылдардағы мәселелерді бі­ле­мін. Оның ішінде көптен көте­рі­ліп жүрген электрмен жабдық­тау жұмыс­тары жүзеге асырылып жатыр. Одан бөлек облыстық маңыз­дағы жол жөндеу жұмыстары да жүргізілуде. Бұл жұмыстар тұрақты бақылауда. Мердігер мекеме өкіл­дерімен кездесіп, жұмыстардың сапалы әрі уақытылы орындалуын талап еттім. Бұл жұмыстардың сапалы орындалуын тиісті бөлім назарда ұстайды, – деді аудан әкімі Б.Сәрменбаев.

Қазіргі таңда облыстық маңыз­дағы «Қызылорда-Қоғалыкөл-Шір­кей­лі» және «Қызылорда-Айдар­лы-Тар­­­­тоғай» автожолына асфальт жа­­­­мыл­ғысы төселуде. Бұл жол­­дар­дың­ жөнделуі ауыл тұрғында­рының облыс орта­лығына қаты­науын жақ­сартады. Бұған дейінгі жолдардың әр жерден ойылуы, сапасының нашарлауы жол жүруге айтарлықтай кері әсерін тигізуде. Сондықтан аудан бас­шысы осы жолдардың құ­рылыс жұмыстарын арнайы көріп, оған аса мән беріп, мерді­гер мекеме өкіл­деріне жол сапа­сының ж­оғары болуы қадаға­лауда болатынын ес­керт­ті.

Елді мекендерге жұмыс сапа­рында аудан әкімі ауыл­дың тұр­ғын­­­дарымен жүздесіп, ұсыныс-пі­кір­­лерін тың­дады. Елді мекендегі аға буын өкілдері бүгінде жасалып жат­­қан жұмыстарға көңілдері толатынын жеткізді.
– Жаңа қызметіңізбен құттық­таймыз. Сіз ауданды, елді мекен­дердің жағдайын жақсы білесіз. Се­бебі бұған дейін аудан әкімінің орын­­басары қызметінде жүріп, бар­лық мәсе­леге қанықтыңыз. Сол мә­селелер жыл басынан бері ке­зектілігімен шеші­мін тауып жат­қа­нына қуаныштымыз. Электр же­лі­­лерінің ауыстырылуы, жолдың жөнделуі халық жағдайын жақ­сар­та­тыны анық. Одан бөлек мәсе­ле­лер де назардан тыс қалмайды деп се­­неміз. Жұмысыңызға сәттілік ті­лейміз, – деді Аманкелді ауылдық ар­дагерлер кеңесінің төрағасы Нұр­мағанбет Құдайбергенов.

Шалғай ауылдарға барған аудан басшысы Айдарлыда жол жиек тас (бордюр) шығарумен айналысатын жас кәсіпкер Ерасыл Жұмахметпен кездесті. Кәсіпкер жұмысымен танысып, кәсіпті әрі қарай дамыту керектігін, оған мемлекет тарапы­нан қолдау көп екенін айтты. Бү­гінде жас кәсіпкер ауылдың екі тұр­ғынын жұмыспен қамтып отыр.

Е.БЕРКІНБАЕВ