Ашықтыққа негізделген жиын

«Әкімдердің халықпен кез­д­есулерін өткізу туралы» Қа­зақ­стан Респуб­ликасы Пре­зи­­­ден­тінің 2022 жылғы 3 нау­­рыз­дағы №826 Жарлығына сәй­кес, жыл басынан халыққа есеп беру жиындары өтуде. Соның аясында ау­дандағы Айдарлы, Же­­тікөл, Аман­келді, Бесарық, Қо­ға­­­лы­­көл, Шіркейлі ауылдық ок­ругі әкім­дері 2022 жылы атқа­рыл­ған жұмыстар және алдағы міндеттер жөнінде ауыл тұр­ғындарымен кездесу өткізді. Тұр­ғындармен кездесуге аудан әкімінің орынбасарлары, ауыл­­дағы мекеме басшылары, еңбек ардагерлері қатысты.

Ашықтыққа негізделген есеп беру жиынын­да ауыл әкімдері 2022 жылғы атқарылған жұ­мыстар мен биыл атқарылатын жұмыс­тардың есебін берді. Сонымен қатар атқарылған жұ­мыс­тардың нәтижесі бойынша ағымдағы жылы жал­ғасатын ауқымды жобалар туралы тұр­ғын­­дарға ақпарат ұсынды. Өз хабарлама­­сында ауыл әкімдері қаржының игерілуі, ауыл ша­руашылығы, кәсіпкерлік, білім, спорт, мәде­ниет және тағы басқа салалардағы жоспарлы жұмыстарды, жетістіктерді тізбектеді. Оған қоса, осы жылы ауылішілік көшелер жөндеу кө­ретініне ерекше тоқталды. Атап айтқанда, биыл аудан орталығынан шалғайдағы Айдарлы, Жетікөл, Аманкелді, Қоғалыкөл ауылдарының электр желілері толық ауыстырылатын болады. Тұрғындар тарапынан көптен бері айтылып жүрген ұсыныстың іске асуына республикалық бюджеттен 1,6 млрд теңге қаржы бөлінген. Бүгінде мемлекеттік сатып алу жұмыстары жүргі­зіліп, мердігер анықталған.

Жалпы, өткен жылы барлық ауылдық округте көше жөндеу жұмыстары жүргізіліп, оған тиісті қаржы қаралған. Сонымен бірге кейбір ауыл­дарда жаяу жүргіншілер жолы салынып, халық игілігін көріп келеді. Бесарық ауылындағы спорттық кешенінің құрылысы да биыл аяқтал­са, ауыл жастарының саламатты өмір салтын ұс­танып, спортпен айналысуына мол мүмкіндік жасалмақ.

Жол жөндеу жұмыстарының ең негізгісі – осы жылы Айдарлы, Жетікөл, Аманкелді ауылдарын қосатын үлкен жол жөнделетіні тұрғындардың қуанышын еселей түсті.

Есепті кездесу барысында ауылдық округ­тердегі әлеуметтік нысандардың жағдайы да назардан тыс қалмады. Тұрғындарды жұмыс­пен қамту, жастарды қолдау, шағын және орта бизнесті дамыту, кәсіпкерлікпен айналысуға мем­лекеттік грант беру мәселесі бойынша сұрақ­тар қойылып, оған тиісті жа­уаптар берілді. уы­лдық мектеп, балабақша, амбулаториялық бекет, тағы басқа нысандар тұрғындарға үздіксіз қызмет етуде. Әлеуметтік нысандарда кез келген уақытта туындаған мәселе тез шешімін та­уып, тұрғындардың игілігіне қызмет етуі тиіс.

Жиындарда ауыл тұрғындары өз ұсыныста­рын білдірді. Оның қатарында жұмыссыздыққа, жолға, жарыққа қатысты мәселелер бар. Ауыл әкімдері айтылған ұсыныстар назарға алынып, тиісті жұмыстар жүргізетінін жеткізді.

Қорытынды сөз алған аудан әкімінің орынбасарлары барлық ұсыныс-пікірлер жинақталып, оң нәтиже шығарылуына жұмыс жүргізілетіні айтылды.

Б.ЖАНӘЛІ