Құрылыс жұмыстары бақылауда

Аудан әкімі Берік Сәрменбаев ауданда жүргізіліп жатқан құрылыс жұмыстарын аралап, ауыл тұрғындарының ұсыныстарын тыңдады.

Бүгінде, Айдарлы, Жетікөл, Аманкелді және Қоғалыкөл елді мекендерінде электрмен жабдықтау жұмыстары жүргізілуде. Мердігер мекеме “УниверсалСтройСервис” ЖШС-сі электр желілері мен бағаналарын толықтай ауыстыруда.

Сонымен қатар, “Қызылорда-Қоғалыкөл-Шіркейлі”, “Қызылорда-Айдарлы-Тартоғай” автомобиль жолдарының және елді мекендердегі көшелердің орташа жөндеу жұмыстары да назардан тыс қалмады.

Аудан басшысы мердігер мекемелердің және жауапты сала басшыларына құрылыс жұмыстары барысында кемшіліктердің орын алмауын тапсырды. Ауданда жүргізілетін әрбір құрылыс, жөндеу жұмыстары, олардың сапасы, қауіпсіздігі аудан басшының бақылауында.