Мәслихаттар сайлауы
Тіршілік тынысы Tirshilik-tynysy.kz ақпараттық агенттігі
» » Сапалы тағам – қауіпсіз өмір кепілі

Сапалы тағам – қауіпсіз өмір кепілі

Тағамнан улану – адам ағзасына ауру тудыратын бактериялар, вирустар, паразиттер немесе токсиндермен ластанған тағамды не сусынды тұтыну нәтижесінде пайда болатын денсаулық жағдайының бұзылуы.

Себептері:
Тағамнан уланудың негізгі себебі – микроорганизмдер мен олардың токсиндері. Олар мыналар болуы мүмкін:

Бактериялар: сальмонелла, кампилобактер, клостридия, стафилококк, ішек таяқшасы (Escherichia coli) және т.б.

Вирустар: норовирус, А гепатитінің вирусы.

Паразиттер: лямблия, трихинелла, гельминттер.

Токсиндер: кейбір бактериялардың токсиндері, мысалы, ботулинум токсині.

Белгілері:
Тағамнан улану белгілері әртүрлі болуы мүмкін. Ең жиі кездесетіндері:

Жүрек айну және құсу;

Іш өту;

Іштің ауыруы және түйілуі;

Бас ауруы;

Дене температурасының көтерілуі;

Жалпы әлсіздік.

Диагностикасы:

Тағамнан улануды диагностикалау үшін дәрігер арнайы тексерулер жүргізеді. Әдетте, диагностика барысында:

Науқастың анамнезі жиналады;

Физикалық тексеру жүргізіледі;

Зертханалық зерттеулер (қан, нәжіс және құсық сынамалары) жасалады.

Тағамнан улануды дәрі-дәрмексіз емдеу симптомдарды азайтуға бағытталады:

Сұйықтық қабылдау: ағзадағы сұйықтық деңгейін қалыпқа келтіру үшін жеткілікті мөлшерде су, сорпа және электролит ерітінділерін ішу.

Диета: майлы және қышқыл тағамдардан бас тартып, жеңіл қорытылатын тағамдарды тұтыну. Ас қорыту жүйесі қалпына келгенше ауыр тағамдарды пайдаланбау.

Дәрілік препараттар: дәрігердің ұсынысы бойынша антибиотиктер, пробиотиктер немесе спазмолитиктер қолданылуы мүмкін.

Алдын алу шаралары:

  • Тағам дайындау және тұтыну кезінде тазалық сақтау;
  • Етті, балықты және теңіз өнімдерін жеткілікті деңгейде термиялық өңдеу;
  • Сүт және сүт өнімдерін пастерленген күйінде тұтыну;
  • Жемістер мен көкөністерді мұқият жуу;
  • Ас дайындау кезінде және одан кейін қолды жиі жуу;
  • Тағамдарды дұрыс сақтау (тоңазытқышта сақтау және жарамдылық мерзімін бақылау).
Тағамнан улану ауыр жағдайларға әкелуі мүмкін. Сондықтан тағамды өңдеу және тұтыну талаптарын қатаң сақтау қажет. Егер жоғарыда аталған белгілер байқалса, міндетті түрде дәрігерге жүгіну өте маңызды.




Сырдария аудандық санитариялық-эпидемиологиялық бақылау басқармасы
Сурет: Нұрболат НҰРЖАУБАЙ

19 қараша 2026 ж. 42 0