Мемлекеттік қызмет сапалы болуы қажет

2022 жылдың 2 қыркүйегінде Сырдария ауданы әкімі аппаратында жер қатынастары және сәулет салаларындағы мемлекеттік көрсетілетін қызметтердің өзекті мәселелерін талқылау бойынша семинар өткізілді.

Семинарға аудан әкімі аппаратының басшысы Р.Шайхиев, Қазақстан Республикасы Мемлекеттік қызмет істері агенттігінің Қызылорда облысы бойынша Департаментінің мемлекеттік қызметтер басқармасының басшысы Ғ.Ілкібаев, Қызылорда облысы әкімі аппаратының мемлекеттік қызметтер бөлімінің бас инспекторы Ж.Жұмабаева, Қызылорда облысының құрылыс, сәулет және қала құрылысы, ауыл шаруашылығы және жер қатынастары басқармасының өкілдері, ауылдық округ әкімі аппараттарының мамандары және аудандық жер қатынастары және құрылыс бөлімдерінің басшылары қатысты.

Семинар барысында ағымдағы жылы сәуір айында Президент Әкімшілігі тарапынан жүргізілген тексеру нәтижелері талқыланып, аудандық мемлекеттік қызмет көрсететін мамандар тиісті ұсыныстар мен кеңестер берілді.

Сырдария аудандық ішкі саясат бөлімі