2019 жылдың 22 ақпанында «Азаматтарға арналған үкімет» мемлекеттік корпорациясы коммерциялық емес акционерлік қоғамының Қызылорда облысы бойынша филиалы Халыққа қызмет көрсету бойынша Сырдария аудандық бөлімінің ғимаратында, Сырдария ауданы әкімдігінің, Қазақстан республикасы мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің және «Азаматтарға арналған үкімет» мемлекеттік корпорациясы коммерциялық емес акционерлік қоғамының Қызылорда облысы бойынша филиалы Халыққа қызмет көрсету бойынша Сырдария аудандық бөлімінің ұйымдастыруымен «Мемлекеттік көрсетілетін қызметтер жәрмеңкесі» өткізілді.

Жәрмеңкеге аудан тұрғындары қатысып, мемлекеттік қызмет алу бойынша тиісті ұсынымдар мен кеңестер берілді.

Аталған жәрмеңкеге аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің, аудандық жер қатынастары бөлімінің, аудандық құрылыс, сәулет және қала құрылысы бөлімінің, аудандық тұрғын-үй коммуналдық шаруашылық, жолаушылар көлігі және автомобиль жолдары бөлімінің, аудандық ауылшаруашылық бөлімінің мамандары қатысты.

Мемлекеттік көрсетілетін қызметтер жәрмеңкесі 2019 жылы барлық Сырдария ауданының ауылдық округтерінде өткізілетін болады.