"Мемлекеттік көрсетілетін қызметтер жәрмеңкесі" өтті

Қоғалыкөл, Шіркейлі, Нағи Ілиясов және Шаған ауылдық округтерінде аудан әкімдігінің, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің және «Азаматтарға арналған үкімет» мемлекеттік корпорациясы коммерциялық емес акционерлік қоғамының Қызылорда облысы бойынша филиалы Халыққа қызмет көрсету бойынша Сырдария аудандық бөлімінің ұйымдастыруымен  «Мемлекеттік көрсетілетін қызметтер жәрмеңкесі» өтті.

Жәрмеңкеге ауыл тұрғындары қатысып, мемлекеттік қызмет алу бойынша тиісті ұсынымдар мен кеңестер берілді және Digital Agent мобильдік қосымшасы туралы брошюлалар таратылды. Аталған жәрмеңкеге аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің, аудандық жер қатынастары бөлімінің, аудандық ауылшаруашылық бөлімінің мамандары қатысты. Мемлекеттік көрсетілетін қызметтер жәрмеңкесі 2019 жылы барлық Сырдария ауданының ауылдық округтерінде өткізілетін болады.

"ТТ" ақпарат