Тіршілік тынысы Tirshilik-tynysy.kz ақпараттық агенттігі
» » Депутаттардан белсенділік талап етіледі

Депутаттардан белсенділік талап етіледі

«Депутаттардан белсенділік талап еті­ле­ді және ішкі партиялық рейтинг жұ­мыс­тарының нәтижесімен маңызды ше­­­шім­­дер қабылданады». Бұл туралы AM­ANAT пар­тиясы облыстық филиалы атқарушы хатшысының орынбасары Алтынбек Жарыл­қасынов фрак­ция мүшелерімен кез­десуде мәлім­де­ді. Жиын­ға облыстық, аудандық мәсли­хат­тағы AMANAT партиясы депутаттық фрак­циясы­ның мүшелері қатысты.

Жиында партияның «Өзгерістер жолы: Әр азаматқа лайықты өмір» сайлауалды бағдарламасын орындауға негізделген Жол картасының қалалық және аудандық деңгейлердегі орындалуы кеңінен талқыланды. Сондай-ақ фракция мүшелерінің жыл ішінде жүргізген жұмыстарына талдау жасалып, партиялық ті­зім­мен сайланған депутаттардың рейтингі жария етілді. Депутаттарға сайлауалды бағдарламаның орындалуын жүзеге асыру мен бақылау, тұрғындармен ашық байланыс орнату бағытында жан-жақты түсіндірме жұмыстары жүргізілді.

– Партияның сайлауалды бағдарламасының көрсеткіштерінің орындалуына әр депутат жауапты ретінде белгіленген. Осы көр­сеткіштердің орындалуы, қоғамдық қабылдаулардағы оңтайлы шешілген мәселелер, депутаттық сауалдар және әлеуметтік желілердегі белсенділік, тікелей эфирде жұртшылықпен жүз­десу бағалау критерийлеріне енгізілді. Сондықтан депутаттар жергілікті атқарушы орган басшыларымен бірлесе халықтың талап-тілегін орындауға жауапкершілікпен қарауы қажет. Бұл облыстық және аудан мәслихаттағы AMANAT партиясы фракция мүшелерінен бірінші кезекте талап етеді, – деді А.Жарылқасынов.

Партияішілік басқосуда депутаттар сұрақ қойып, жауап алып, бірлесе атқарылатын жұмыстардың барысын пысық­тады. Айта кету керек, рейтинг күн сайын жаңартылып, депутат­тардың бел­сенділігі автоматты түрде бағаланады. Ақпараттық жүйеге депутаттар өздеріне жүктелген міндеттерді орындау мақсатында атқарған жұмыстарын ақпарат ретінде енгізе алады. Ақпараттар қоғамдық-саяси және медиа қызмет болып екіге бөлінген.

Расул ЕСЕНОВ,
облыстық мәслихат депутаты,
Nur Otan партиясының мүшесі




12 сәуір 2022 ж. 507 0