Жас роботшылар жетістігі
Жақында Өрлеу БАҰО АҚ филиалы Қызылорда облысы бойынша педагогикалық қызметкерлердің біліктілігін арттыру институты базасында білім беру ұйымдарындағы роботты техника облыстық көрмесі ұйымдастырылған болатын. Аталмыш көрмеге ауданнан 17 оқушы қатысып, жүлделі орындардан көрінді.
Олардың қатарында №137 орта мектептің оқушысы Гүлімай Ижазова І орынды, Жансая Жақсылықова мен Дулат Зейнулла ІІІ орынды еншіледі. Оқушыларды жетекшісі Ербол Сайлауұлы екендігін айта кеткен жөн.
Басқа да оқушыларға "Алғыс хаттар" мен қатысушы сертификаты табыс етілді. Осы орайда жетістікке жетіп жүрген аудан мақтаныштарына сәттілік серік болғай дейміз.
Б.ОРДАБЕКОВ
