Түрлі ұлт­тардың ұясы саналатын Достық үйінде Наурыз мерекесі аудандық мұражай, №1 кітапхана филиалы және ардагерлердің ұйымдастыруымен өткізілді.
Мереке кенттің ардақты ардагерлері Ұ.Жаналиева, А.Бақ­­тиярова, Ы.Әкімжанов, М.Келді­баевтардың ақ тілектерімен ашылды. Күн мен түн теңесетін, дүние жаңарып, жаңғыратын мезгілдің адам мен табиғатқа бар мейірімін төгетін қасиетті ай екені айтылды.
Мерекеге қатысушылар әз-Наурыздың бас тағамы наурыз көжеден дәм татып, еліміздің болашағы жарқын болсын деп тілектерін білдірді.