Жалынды жастардың жетекшісі еді

Өткен ғасырдың 80-ші жылдары аудан комсомолдарының көш­басшысы болған жалынды жас Бақытбек Қарсақбайұлы тірі болған­да биыл 65 жасқа толатын еді. Бақытбек замандасымыз нағыз же­текшіге лайық азамат болатын. Педагогикалық жоғарғы оқу орнын бітіргеннен кейін еңбек жолын туған ауылы Сәкенде қатарда­ғы мұғалім болып бастаған Б.Ибрагимов тәжірибе жинақтай келе 8 жылдық мектептің директоры болды. Осы қызметте жүргенде іскерлігімен, парасаттылығымен танылып, аудан жастарының же­тек­шісі болып сайланды.

Ауданның Құрметті азаматы Алмагүл Бо­жа­нованың айтуы бойынша Б.Ибрагимов ком­сомол жастарды өндірістің шешуші сала­ларына орналастыру, жас­тар бригадаларын ұйымдастыру, оларға мәдени тұрмыстық жағдай жасау, ұрпақтар сабақтастығын сақ­тау, кадрлар резервін жасақтау тәрізді сан салалы жұмыстардың көшбасында жүрді. Одан кейін Бақытбек Қарсақбайұлы аудандағы ең ірі шаруашылық Тереңөзек кеңшарында партия комитетін басқарды, елге қызмет етудің үлгісін көрсетіп келе жатқан іскер парасатты азамат 40 жасында бейдауа дерттен көз жұмды.

Биыл 65 жасқа толған абзал жан, ардақ­ты әкені есімін ұлықтап, ұлы Бауыржан «Тек­­тілігімен танылған тұлға» атты кітап шы­ғарды.

Кенттің орталығындағы «Достық» үйін­де кент ардагерлер кеңесінің (төрағасы З.Жүсіп­байұлы) ұйымдастыруымен ел Тәуелсіздігінің 30 жылдығына орай жастардың жалынды же­текшісін еске алуға арналған ардагерлер арасында бильярдтан турнир өткізілді. Бі­ріншіліктің демеушісі – Сәкен ауылынан шық­қан кәсіпкер азамат Бәкеңнің ізбасар інісі әрі досы Мақсұт Әбілдаев.

– Бақытбек ағам алдымызда жол көрсетіп жүретін, нағыз жетекшіге лайық өмірге бір-ақ рет келетін атпал азамат еді. 65 жасында еске алып жатырмыз. Рухы шат болсын,– дейді Махаң.

Турнирді аудандық ардагерлер кеңесінің төрағасы М.Келдібаев ашып, Бақытбек Қар­сақ­байұлының өнегелі өмір жолына тоқталып, аз ғұмыр кешсе де лайықты із қалдырғанын атап өтті. Біріншілікке кенттен 16 ардагер спортшы қатысты. Төрт топға бөлініп өнер көрсеткен ардагерлер шебер ойын өрнегімен танылды. Нәтижесінде, Тойым Айкөпешов бі­рінші орынды иемдеді. Екінші орынды Абылай Әшірбеков иеленсе, екі үшінші орынды Бақтыбай Мәтібаев пен Мырзалы Орынбаев өзара бөлісті. Жеңімпаздармен жарысқа қатысушыларға сый-сияпаттар жасалды.

Бі­рін­шілік қорытындысында Бақытбек Қар­сақ­байұлының інісі Мұратбек пен ұлы Ба­уыржан сексеннің сеңгіріне шыққан ардагер спортшылар Марат Сақтапов, Төлеу Сүлейменов және Абылай Әшірбековтің иы­ғына шапан жауып, қарттардың батасын ал­ды.

Шаһарбек Балтабайұлы