Бюджетке өзгерістер енгізілді

Аудандық мәслихаттың кезектен тыс 11-сес­­­­­сиясы өтті. Аудандық мәслихат хатшысы Е.Әжікенов төр­ағалық еткен сессияға депу­таттардан бөлек, аудан әкімінің орынбасары Д.Байдушев, мекеме, бөлім басшылары, кент жә­не ауыл әкімдері қатысты.

Сессияның күн тәртібінде негізгі 6 мәселе қаралды. Е.Әжікенов ау­данның әлеуметтік-экономикалық дамуының соңғы қорытындыларына тоқталып, атқарылып жатқан жұмыстар мен бюджет қаржысының мақ­сатты, тиімді жұмсалуы депутаттар бақылауында екенін атады. Сонымен бірге, сессияның күн тәртібіне ұсынылған мәселелермен таныстырды.

Бірінші мәселе аудандық мәслихаттың №468, 475, 479, 481 шешімде­ріне өзгерістер енгізу туралы аудандық экономика және бюджетті жоспарлау бөлімінің басшысы Е.Ахетов хабарлама жасады. Бө­лім басшысы аудандық бюджеттің кірістері мен трансферттер жөнінде ақпарат берді.

– Аудандық мәслихат депутаттарының ұсынысына сәйкес 2021 жыл­ға арналған шығындардың бағыттарын ауыстыру жоспарлануда. Үнемделген және игерілмейтін қаржылар шегеріледі, сондай-ақ, кезек күттірмейтін жұмыстарды реттеуге бағытталады. Әлеуметтік салаға, тұрғын-үй коммуналдық шаруашылық жұмыстарына, газ құбырлары желі­сінің құрылысына, жер телімін дайындауға және басқа да мәселелерге бюд­жеттен қаржы бөлу ұсынылады, – деді бөлім басшысы.

Аталған мәселелер бойынша депутаттар өз ұсыныс-пікірлерін білдірді. Шешім жобасы мақұлданып, бекітілді. Мұнан бөлек, сессияда аудан әкім­дігі жанындағы терроризмге қарсы комиссия құрамына өзгерістер енгізілді. Бұл туралы аудан әкімі аппаратының мемлекеттік-құқықтық жұмыстар бөлімінің әдіскері Т.Нұрсұлтанұлы түсініктеме жасады. Сонымен қатар, аудандық сайлау комиссиясының төрайымы Б.Өтегенова хабарлама жасап, аудандық сайлау комиссиясының құрамына өзгеріс ен­гізілді. Бұл мәселе бойынша депутаттардың қолдауымен шешім жобасы мақұлданды.

Сессия соңында аудандық мәслихат хатшысы Е.Әжікенов Ел Тәуел­сіз­­­дігінің 30 жылдығына орай Президенттің Жарлығымен мемлекеттік наградамен марапатталған депутаттарды құттықтап, еңбекте жеміс ті­леді. Мәслихат аппараты жылды жемісті қорытындылап отырғанына назар аударып, алдағы уақытта да жергілікті атқарушы органмен бірлесе нәтижелі жұмыстар жасала беретініне сенім білдірді.

Расул ЕСЕНОВ,
облыстық мәслихат депутаты,
Nur Otan партиясының мүшесі