Аудандық мәслихаттың кезектен тыс сессиясы өтті

Бүгін аудан әкімдігінің мәжіліс залында аудандық мәслихаттың кезектен тыс Х сессиясы өтті. Сессия отырысына облыстық мәслихат хатшысы Наурызбай Байқадамов, аудан әкімі Мұрат Ергешбаев, аудандық мәслихат депутаттары, аудан әкімінің орынбасары, дербес бөлім басшылары кент және ауыл әкімдері мен БАҚ өкілдері қатысты. Сессияның күн тәртібінде 3 маңызды мәселе қаралды.

Күн тәртібіндегі бірінші мәселе бойынша «Кент және ауылдық округтерінің 2021-2023 жылдарға арналған аудандық бюджет туралы» шешіміне өзгерістер енгізу жөнінде – аудандық экономика және бюджеттік жоспарлау бөлімінің басшысы Ерлан Ахетов хабарлама жасап, аудан бюджетінің салаларға бағытталуы жөнінде түсіндірме берді.

Екінші және үшінші мәселе бойынша Сырдария аудандық мәслихатының 2020 жылғы 16 қыркүйектегі №430 «Әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау Қағидаларын бекіту туралы» шешіміне өзгерістер енгізу бойынша – аудандық жұмыспен қамту, әлеуметтік бағдарламалар және хал актілерін тіркеу бөлімінің басшысы Мақсұт Қаратаевтың баяндамасы тыңдалса, ауданның әлеуметтік-экономикалық дамуына ерекше үлес қосып, көп жылғы еңбектері үшін «Сырдария ауданының Құрметті азаматы» атағын беру туралы – аудан әкімінің орынбасары Талғат Нұртазаев баяндама жасады.

Сессия қорытындысымен күн тәртібіндегі мәселелерге қатысты ұсыныстар қолдау тауып, шешім жобалары бір ауыздан бекітілді.