Тәу етеріміз – Тәуелсіздік

Ата-бабалары­мы­з­­­дың ғасырлар бо­­йы арманы болған ұлы тәуел­сіздікке – 30 жыл! Ел бір­лігінің бастауы, арман-мақсатымыздың ас­қарына айналған Тәуелсіздік – тәу етер киеміз. Егемендік жылдарында ғасыр­ға бергісіз қиындықты еңсеріп, қазақ халқы талай шыңдарды бағындырды, жетістікке жетті.

Осыдан 30 жыл бұрын ұлан-байтақ қазақ жеріне келген Тәуелсіздік елімізге бақ-берекесімен келді. Бүгінде бейбіт­ші­ліктің бесігінде тер­бел­ген Қазақ­стан талай ұлт пен ұлыстың сүйікті Отанына айналды. Өркениет жолындағы мемлекет өз дербестігін жариялағаннан кейін алдына үлкен мақсат қойды. Ол – әлемдегі дамыған 30 мемлекеттің қатарына ену жоспары болатын.

Бүгінде жүрегі «Отаным», «Туған жерім» деп соғатын барша қазақстандықтың арманы орындалды. Халқымыз ата-бабадан аманат етілген мирасты, өнегелі дәс­түрді, ауызбіршілік пен Отанға деген махаббатты, бауырмалдықты, кең пейіл дархан көңілін жоғалтпады. Қандай да қиындыққа төтеп беріп, азапты жылдарда мойымады. Берекелі тірлік пен ынтымақты бәрінен биік ұстады.

Әрбір саналы азамат үшін азаттық ұғымының ор­ны бөлек. Оның құдіретін жан дүние­мізбен се­зінуге тиіспіз. Еңселі егемендіктің туы желбіреген 30 жыл ішінде орасан зор жетістіктерге қол жеткізілді. Қазақтың сайын даласында жас мемлекет құрылып, аз ғана уақыт ішінде дамудың даңғыл жолына түстік. «Тәуел­сіздікті көздің қарашығындай сақтау – әрбір азаматтың қасиетті парызы. Тарихи тұрғыдан қарғанда көп уа­қыт болмаса да осы 30 жыл ішінде еліміздің өмірі жаңарып, түбегейлі өзге­рістер жасалды» деген еді Елбасы өз естелігінде.

Қазір ел экономикасы жыл өткен сайын жақсарып келеді. Мем­ле­кеттік шекарамыз айқындалып, жер­­­дің бүтіндігі мен елдің тұтастығының қам­­­тамасыз етілуі де қажырлы еңбектің нәтижесі.

Жалпы Тәуелсіздікті жариялаған жылдан бас­тап ұлттық тарихи сананы, ұлт­тық рухты қалыптастыру мемле­кет алдындағы басты міндет болып белгіленді. Дамудың басым ба­­ғыттары ретінде мемлекеттік бағ­дар­­ла­малар іске асты. Бүгінгі барлық жемісті жетістік­те­рімізге еңселі егемендіктің арқасында қол жеткіздік.

Мәңгілік құндылық ретінде бағаланатын Тәуелсіздіктің ғұмыры баянды болғай! Мәңгілік ел жолында елдің бірлігі мен ынтымағын сақтап, күш-жігерімізді жұмылдырып, ел Тә­у­ел­сіздігін одан әрі нығайта берейік.

Бибісара ЖАНӘЛІ