Тіршілік тынысы Сырдария аудандық қоғамдық-саяси газет

№ 96 газет

04 желтоқсан 2021 ж.

№ 95 газет

01 желтоқсан 2021 ж.

№ 94 газет

27 қараша 2021 ж.

Жаңалықтар мұрағаты

«    Желтоқсан 2021    »
ДсСсСрБсЖмСбЖс
 12345
6789101112
13141516171819
20212223242526
2728293031 
» » Мәртебелі мамандық иелерінің мерейлі шағы

Мәртебелі мамандық иелерінің мерейлі шағы

Апта ағымында аудан көлемін­де ұстаз­­дардың кәсіби ме­реке­сі ауқымды түрде аталып өтілді. Бұл ретте аудандық мәдениет үй­інде «Ұстазым – ұлағатым» та­қы­­ры­бында салтанатты жиын ұй­ым­дас­тырылды. Ұстаздарды ұлық­тауға арналған іс-шараға аудан әкімі Мұрат Ергешбаев, аудандық ардагерлер кеңесінің төр­а­­ғасы Муса Келдібаев, білім саласының қызмет­керлері мен ардагерлері қа­тыс­ты.

Салтанатты жиында аудан әкімі Мұрат Ергешбаев білім саласы қызметкерлері мен ардагерлерді кәсіби мерекемен құттықтады.

– Шәкірттің бойына ұлттық құндылықтың нә­рін сеуіп, тәуелсіздігі мен бірлігі мызғымайтын елі­міздің айтулы азаматын қалыптастырып өсіру – мұғалімдердің мәртебелі міндеті. Аудандағы жалпы орта білім беретін мектептерде 1244 мұғалім білім беретін болса, оның 1231-і жоғары білімді мамандар. Біліктілігіне байланысты 288 педагог-зерттеуші, 473 педагог-сарапшы, 288 педагог-модератор санатындағы мұғалімдер. Ұлағатты ұстаздарымыз ауданның өскелең ұрпақтарын тәр­биелеу жолында қажымай еңбек етіп, шәкірттері биік тұғырлардан көрініп, ауданымыздың мерейін асқақтатуда. Ұстаздардың кәсіби шеберліктерін нығайтуға, біліктіліктерін арттыруға тұрақты жағ­дай жасалуда. Жыл сайын бюджеттен қомақты қаржы білім саласына бөлінеді. Білім сапасының жоғары деңгейде болуы аса маңызды, – деді аудан басшысы.
Жыл көлемінде жоғарғы жетістікке қол жет­кізіп, шәкірт тәрбиелеуде озық тәжірибесімен та­­­ныл­ған мұғалімдер марапат төрінен көрінді. Мәсе­лен, «Білім және ғылым қызметкерлерінің кә­сіп­одағына сіңірген еңбегі үшін» белгісімен №35 Иса Тоқтыбаев атындағы мектеп-лицейдің директоры Бақытжан Бақбергенова, Қазақстан Респуб­ликасы Білім және ғылым министрлігінің «Алғыс хатымен» №139 орта мектеп директорының оқу ісі жөніндегі орынбасары, география және биология пәнінің мұғалімі Аманкүл Оспанова марапатталды. Сонымен бірге, бірнеше педагог облыс әкімі Гүлшара Әбдіқалықованың және аудан әкімі Мұрат Ергешбаевтың «Алғыс хатына» ие болды. Облыстық білім басқармасының «Құрмет грамотасына» тәжірибелі ұстаздар қол жеткізді.

Ауданда 17 білім ошағы өзара бәсекеге қабі­летті, озық тәжірибелі заманауи мектеп болуға ұмтылып келеді. Биыл барлық жағынан оқ бойы озып шыққан білім беру мекемелеріне арнайы номинация табысталды. «Үздік білім беру ұйымы» номинациясымен Ә.Жәмішев атындағы №129 мек­теп-лицей ұжымы, «Үздік жаңашыл мектеп» номинациясымен Т.Айтбаев атындағы №132 орта мектеп ұжымы, «Білім бәйтерегі» номинация­сымен №137 орта мектеп ұжымы марапатталды. Жаңа­шыл білім ошақтарына бағалы сыйлық бе­рілді.

Іс-шара барысында мәртебелі мамандық ие­леріне арналған аудан әкімінің ықылас гүлі сахнаға қойылды. Аудан өнерпаздары құрметті ұстаздарға арнап әннен шашу шашып, би биледі.

Балтабай ОРДАБЕКОВ 
09 қазан 2021 ж. 259 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам