Төтенше жағдайдың алдын алу – қауіпсіздік кепілі

Сырдария аудандық төтенше жағдайлардың алдын алу және оларды жою комис­сиясының кезекті отырысы өтті. Комиссия отырысына тиісті мекеме және азамат­тық қорғау қызметінің басшылары қатысып, аудан әкімінің орынбасары Ғ.Еркебай төрағалық етті.

Алдымен, күн тәртібі бойынша аудан әкімі аппаратының жұмылдыру да­йын­­дығы және аумақтық қорғаныс бөлі­мі басшысының міндетін атқарушы Н.Омаров радиацияға қарсы паналау (подвал) орын­дарын қажетті заттармен және жеке қор­ғаныс құралдарымен қамтамасыз ету туралы хабарлама жасады.

Аталған мәселе бойынша комиссия төрағасы есепке алынған радиацияға қарсы паналау (подвал) орындары Қазақстан Республикасы Үкіметінің 2014 жылғы №1357 қаулысымен бекітілген азаматтық қорғаныс объектілерін құру және пайдалану қағидаларының талабына сәйкес тиісті сәйкестендіру жұмыстарын жүргізуге бай­­ланысты тапсырма берді. Сондай-ақ, радиа­цияға қарсы паналау орындарын жел­деткіш, сумен жабдықтау мен кәріз, қорғаныш құрылысын электрмен жаб­дықтау, инженерлік-техникалық және арнайы жабдықтарымен қамтамасыз ету үшін ұсыныстар енгізу қажеттігі айтылды.

Екінші мәселе бойынша аудандық тұр­ғын үй коммуналдық шаруашылық, жолаушылар көлігі және автомобильдер жолдары бөлімінің басшысы Е.Бахтияров 2021-2022 жылдар аралығындағы жы­лу беру кезеңінде өмір сүру нысандары, денсаулық сақтау және білім саласына қарасты ғимараттарының жылумен қам­тамасыз ету көздері қорларының жағ­дайы туралы баяндады.

Бүгінгі күнге аудан бойынша 80 әлеуметтік нысандар бар. Оның 20-ы білім беру саласы, 7-і балабақша, 17-і денсаулық сақтау саласы, 26-ы мәдениет және спорт нысандары.

Нысандардың 39-ы сұйық отынмен, 34-і қатты отынмен, 7-і табиғи газбен жылытылады.

– Аудан бойынша әлеуметтік нысан­дарға қажетті 2212 тонна сұйық және 3672 тонна қатты отын сатып алуға облыстық және аудандық бюджеттен 444,0 млн теңге бөлінген. Ағымдағы жылдың 31 жел­тоқсанына дейін қажетті отын қоры 921,6 тонна сұйық және 1530 тонна қатты отын қажет. Қазіргі уақытта әлеуметтік ны­сандарда нақты қоймада 86,5 тонна сұ­йық және 334 тонна қатты отын қоры бар. Жылу беру маусымына дайындық пас­порттарын беру мемлекеттік қызметі бо­йынша өтінімдер «е-gov» порталы арқылы 2021 жылдың 16 тамызынан бастап қа­был­дануда. Бүгінгі күнге 49 әлеуметтік нысанға дайындық паспорттары берілді.Сонымен қатар, әлеуметтік нысандарды газға лайықтандыру мақсатында кенттегі 3 балабақшаға, №210 О.Әбілпаттаев атын­дағы мектепке, орталық кітапхана, кент клубына жоба-сметалық құжаттама әзірленіп, облыстық бюджеттен қаржы­ландырылуға ұсынылған, – деді бөлім басшысы.

Айту керек, қазіргі кезде Тереңөзек кентінде 725 үй табиғи газға қосылса, 12 мекеме мен 5 кәсіпкерлік нысандар газ игі­лігін көруде.

Комиссия қаралған мәселелер бойын­ша тиісті шешімдер қабылданып, жауапты бөлім басшыларына тапсырмалар бе­ріл­ді. Атап айтқанда, аудан бойынша көп­балалы және жалғызбасты ата-аналар, мү­гедектер, әлеуметтік жағдайы төмен отба­сылардың тұрғын үйлеріне көмір-қыш­қыл газын анықтайтын құрылғылар орнату жұ­мыс­тарын ұйымдастыруды бөлім басшысына міндеттелді. Сонымен қатар, жылу беру маусымында өрт қауіп­сіздігін алдын алу мақсатында аудан тұрғындарына профилактикалық жұ­мыстар күшейтуге байланысты нақты тапсырма жүктелді.

Бибісара ТАҢАТАРҚЫЗЫ