Тазалық – иманның жартысы

Тазалық жай ғана жүрдім-бардым қарайтын дүние емес. Мұнда үлкен тәрбие негізі, мәдениеттілік бар. Себебі, тазалық – адамның рухани, мәдени жетілу деңгейінің, кісілігі мен тәрбиесінің маңызды көрсеткішінің бірі. Ол жан-жақты адам өмірін, болашағын, имандылығы мен адамгершілік сияқты кісі ғұмырына тән көптеген тармақтарды қамтиды. Даналарымыз адам өмірінің зор байлығы – денсаулық десе, ал денсаулықтың кепілі – тазалық екенін ұғындырған. Сондықтан тазалық – адамның мәдениеттілігінің, адамгершілігінің таразысы, иманның жартысы саналады.

Біз көше мәдениетін қозғағанда ең алдымен таза­лықты сөз ететініміз анық. Өйткені көшедегі мә­дениеттіліктің бас­тауы тазалық екені айтпаса да түсінікті. Әрбір адам өзінің көшесін, ауласын таза ұстау арқылы қоғамға пайдасын тигізеді. Ал қоршаған орта күл-қоқысқа толып жатса, оның адам денсаулығына тигізер зия­ны көп. Сол себепті де тұрғындар айналаны ластамай, біреудің айтуымен емес, өздерінің ден­саулықтары үшін санитарлық тазалыққа мән беріп қарағаны жөн.

Жыл сайын көктемгі және күзгі уақытта екі айлық тазалық айлығы жүргізіледі. Облыс, аудан көле­мінде уақыты бекітіліп, сенбіліктер ұйымдастырылады. Биылғы жылы коронавирус инфекциясының таралуына байланыс­ты тазалық айлықтары өткізіл­ген жоқ. Десе де қазіргі таңда карантин талаптары жеңілдетілгенде ауданда сенбіліктер өтіп, оның барысында көшелерге, мекемелер алдына тазарту жұмыстары жүргізілуде. Өткен аптадағы сенбілікте сырдариялықтар көше бойын күл-қоқыстан тазартуға атсалысты. Күз айында сарғайған жапырақтардың жерге көптеп түсуі, қураған шөптердің қалдығы, оның үстіне жауапкершілікті сезінбеген кейбір тұрғындардың тұрмыстық қалдықты шашып тас­тауынан санитарлық тазалық талаптары сақталмауда. Осы орайда, сарғайған жапырақтар мен шөп қал­дықтары сенбіліктер барысында тазартылады. Ал кейбір тұрғындардың көше мәдениетіне салғырт қарауы өзінен бас­тап өзгелерге де зиянын тигізетіні анық. Сондықтан әрбір адамның тазалыққа келгенде жауапкершілігі тиянақты болғаны абзал.

Жалпы, сенбілік жұмыстарының екі­­жақты тәр­биелік мәні бар. Біріншіден, бұл көпшілікті адал еңбекке бау­лу болса, екінші жағы туған жердің таза әрі тартымды болуы, яғни ішкі мәдениеттілікті қалыптастырудағы маңызы зор. Сондықтан әрбір тұрғын өзі тұратын көше бойының санитарлық тазалығына баса мән беруі қажет.

Е.Беркінбаев