Праймеризге үміткерлер арасында пікірсайыс басталды

Бұрнағы күні "Nur Otan" партиясы Сырдария аудандық филиалы бойынша праймеризге қатысушы үміткерлер арасында жария пікір-сайыс кезеңі бастау алып, алғашқы пікірсайыс өткізілді.
Пікірсайыс өткізудің мақсаты - сайланбалы органдарға және партиялық кадрлық резервке үміткер азаматтардың ашық пікір алмасу дағдыларын қалыптастыру болып табылады.
Алғашқы пікір-сайысқа Еламанов Сағидолла Балтабайұлы – Сырдария аудандық әлеуметтік төлемдер бөлімі басшысы, Есенов Расул Әбутәліпұлы – «Углесбыт» ЖШС директоры, Ембергенов Жұмабек Әшімұлы – Сырдария аудандық халыққа қызмет көрсету орталығының директоры, Молдашев Абзал Батырбекұлы – Бесарық ауылдық мәдениет үйінің директоры, Ақжайларов Бауыржан Серікбайұлы – «Шиелі жарығы» ЖШС Сырдария аудандық филиалының есепшісі және Омаров Айдос Бағдатұлы – «Сырдария жастары» ҚҚ төрағасы қатысып, пікірсайыс ережелері бойынша өз бағдарламаларын таныстырып, қатысушылардың сұрақтарына жауап берді.
Пікір сайыс жүргізушісі – Ербол Сағынбайұлы болды. 

Майя Қожабай