Праймериз үміткерлерімен кездесті

Кеше Сырдария ауданына іс-сапармен келген «Nur Otan» партиясы жақтастары лигасының мүшесі Бауыржан Серікбаев праймериз үміткерлерімен кездесіп, ашық сұқбаттасты.

Бауыржан Серікұлының ауданға іс-сапарының басты мақсаты ішкіпартиялық іріктеу жұмыстарының сапалы ұйымдастырылуы, кандидаттарға жасалып отырған мүмкіндіктердің теңдігін көру және үміткерлермен ашық диалог құру болып табылады. 

Кездесу барысында праймеризге қатысушылар өз ой-пікірлерін толық жеткізді. Сонымен қатар, Сырдария ауданында 2019 жылы бұл жоба пилоттық түрде өткізілгені де сөз болды.

Сырдария ауданы бойынша 31 азамат кандидат ретінде тіркелген. Олардың 32,2 пайызы әйел азаматтар, 22,5 пайызы 35 жасқа дейінгі жастар екенін  айта кеткеніміз жөн.