"Мектепке жол" қайырымдылық акциясы ұйымдастырылды

Аманкелді ауылдық округі әкімінің бекіткен негізгі бағыттарының бірі – қайырымдылық шаралары болып табылады.

Осыған орай ауыл әкімі Мейрамбек Қылышбекұлының бастамасымен "Мектепке жол" қайырымдылық акциясы ұйымдастырылды. Өз кезегінде тұрмысы төмен, аз қамтамасыз етілген, көп балалы отбасылардағы оқушы балаларға мектепке қажетті сөмке, құрал-жабдықтар табысталды.

Іс-шара барысында ауыл әкімі Мейрамбек Қылышбекұлы жастардың білімді және білікті маман болып шығуы үшін кез келген жағдайда ғылым-білімге баса назар салуы қажеттілігін айтып, жаңа оқу жылымен құттықтады.

Қайырымдылық акциясын ұйымдастыруға себепкер болған Айтбаев Сергей Фахруддинович пен Тілепбергенов Жеңісбек Жарылқасынұлына  тұрығнадар шынайы алғысын жеткізді.