БАЛАЛАР ҚУАНҒАН КҮН
«Қайырымдылық жасасаң, қайырымын өзің көрерсің» демекші, қазақ халқының ізгі қасиеттерінің бірі қайырымдылық жасау екені анық. Жақында ауданға қарасты Айдарлы ауылындағы №139 орта мектепте республикалық «Мектепке жол» акциясы өткізілді. Акцияға ауыл тұрғындары мен 1978-1998 жылғы туылған мектеп түлектері белсене қатысты. Ізгілікті шарада мектеп директоры Г.Жақсылыққызы сөз алып, жыл сайын ұйымдастырылатын акцияның маңыздылығына тоқталды. Өз кезегінде әлеуметтік тұрғыдан аз қамтылған отбасылардың балаларына мектепке қажетті оқу құралы мен киім-кешек табысталды. Туған жер топырағынан түлеп ұшқан ауыл жастарының қайырымдылық ісіне мектеп ұжымы мен ата-аналар ризашылық білдірді. Балалар мектеп құралдары салынған сөмкелерді иықтарына асып, көтеріңкі көңіл күймен тарқады.
2001 жылы басталған бұл акция биыл он бірінші рет өткізіліп отыр. «Менің таңдауым балаларға көмек көрсету» ұранымен өтетін шара 1 тамыз бен 30 қыркүйекке дейін жалғасады.
Ә.Абдраманов,
№139 орта мектебінің
Әлеуметтік педагогы
