Жақында аудандық ішкі саясат бөлімінің ұйымдастыруымен қайырымдылық акциясы өтті. Оған ең жақсы қасиет – жомарттықты жанына серік еткен жандар мұрындық болып аз қамтылған, көп балалы отбасы балаларын қуанышқа бөледі. Қайырымдылық шарасы барысында кент орталығындағы мектеп оқушыларына қыстық сырт киім мен аяқ қиімдер табыс етілді. Сондай-ақ, бірнеше отбасы азық-түлікпен қамтамасыз етілді. Мұндай кеңпейілділіп танытып, қайырымдылық жасап жатқан жандарға ата-аналар өз алғыстарын білдіріп, жұмыстарына табыс тіледі.