Шектеу шаралары қатаң сақталуы тиіс

Карантиндік шектеу шараларын түсіндіру мақсатында құрылған жұмысшы топ аудан орталығында түсіндірме жұмыстарын жалғастырды.

Үш мобильді топ және елді мекендердегі жұмысшы топтар күнделікті қоғамдық орындарды, мемлекеттік мекемелер, сауда орындары және кәсіпкерлік нысандарды аралап, шектеу талаптарын қатаң сақтау керектігін түсіндіруде. Әркім өзіне және жақынына жанашырлық танытып, медициналық бетперде, дезинфекциялық құралдарды үнемі қолдануды ескертіп келеді. Сондай-ақ инфекцияның таралмауы үшін тұрғындар арақашықтықты сақтауы тиіс.

Жұмысшы топтар Қызылорда облысының Бас мемлекеттік санитарлық дәрігерінің «Қызылорда облысы бойынша қатаң шектеу және карантиндік шараларды енгізу туралы» №16 Қаулысы негізінде жұмыс жасап, оның қатаң сақталуын түсіндіруде.